SHAKAWN KUNGDAWN 5
Sumpyi dum ai agyi a matu; sumpyi hte mai dum ai Dawi a mahkawn ga langai mi.
1 Yehowa e, nye a ga madat mara ya e,
Nye a myit aru yu nga ai hpe, dum nga u.
2 Nye a Hkawhkam hte Karai Kasang e,
ngai jahtau ai nsen matsing da u;
Kaning rai nme law, nang kaw
ngai akyu hpyi nga nngai.
3 Yehowa e, nang jau jau e
nye a nsen na lu na ndai.
Jahpawt manap e ngai na a matu
hkungga lajang da nna, a mada nga nngai.
4 N tara ai hta awng nga ai Karai Wa,
nang rai nga ndai n rai, N hkru ai
amu nang hte rau nga lu na, n rai.
5 Gumrawng ai ni, na a man e
grin nga lu na ma ai n rai,
Yubak galaw ai ni nlang hte hpe
nang n dawng nga ndai.
6 Masu ga tsun ai ni hpe
nang jahten kau nga ndai,
Sai kap ai hte hkalem sha ai wa hpe,
Yehowa matsat nga ai.
7 Ngai chyawm gaw,
na a kaba ai chyeju majaw,
na a nta hta shang lu nngai. Nang hpe
hkrit hkungga ai hte, na a Htingnu de
yawng let, nawku lu nngai.
8 Yehowa e, ngai e gyam yu ai ni a majaw,
Na a dinghpring ai lam de ngai hpe woi la e.
Nye a man e na a lam shading ya e.
9 Shi a n-gup hta kamsham shara n rawng ai;
Shanhte a kraw lawang n se nga malu ai;
Shanhte a mayu hpaw nga ai
lup rai nga malu ai,
Shanhte a shinglet,
bawk chye nga malu ai.
10 Karai Kasang e,
shanhte hpe ra baw shagun mu,
Shanhte bawng ai hta
shanhte hkrat mu ga.
Shanhte a n hkru ai lam kaba hta shanhte hpe
shaden kau mu; Kaning rai nme law,
shanhte nang hpe gumlau nga ma ai.
11 Nang hpe shamyet shanat ai ni
nlang kabu gara nga mu ga,
Nang shanhte hpe maga da mu ai majaw,
tutnawng e kabu jahtau nga mu ga:
Na amying hpe tsawra ai ni mung,
nang hta sharawng awng nga mu ga.
12 Kaning rai nme law, nang gaw
dinghpring ai wa hpe shaman ya nga ndai;
Yehowa e, nang shi hpe chyeju hte
n-gang zawn, kawan da nga ndai.