10
Mordehkai A Magrau Grang Ai Lam
1 Ya hkawhkam Ahasuru gaw, hkarang na lamu ga hta mung nammukdara zunlawng ni hta mung, hkanse hta wu ai.
2 Mordehkai galaw ai daru magam amu bungli mahkra hte, shi a hpung shingkang, hkawhkam wa shi hpe shagrau shatsaw ai majaw, shi galu kaba dan hkung ai lam, Medi yan Persi hkawhkam ni a labau laika ni hta azin ayang ka da nga ai, n rai ni?
3 Kaning rai nme law, Yuda masha Mordehkai gaw, hkawhkam Ahasuru a malai rai nga nna, Yuda masha ni hta shi galu kaba nga ai hte, shi a kahpu kanau ni law malaw gaw shi hpe yin la nna, shi gaw, shi a amyu masha ni a ngamu ngamai lam tam let, kashu kasha ni mahkra hpe ngwipyaw ga tsun mu ai.