27
Ralx lvmz nuiyc Mungx lvmz nuex Seng yaq Phungc
Vruex kuex Israel miqsaz yuimx taungx htenc wawc vkhux yaungc jix hez nuiyc vtaungx wawc walaungx bix, mungx yauk shuimc shunshvlc jix vyungx vlaungx bix muingc wvlc rvtueq. Wawc tuingx tup yapix lex tek vtueq miq 24,000 phok httax yaq phungc htenc kuex tv-phvlc ruiux yapix lex shiz nuex phungc shiz jix rueq shuimx yaq, phungc tek kvyuq guimz lawc aungx yaq jix waz shiz phok httax yaq.
2-15 Vruex hez kuex yapix lex tek shunshvlc guimz lawc jix hez rvtueq:
Vphaungc yapix nuex: Zabdiel saz Jashobeam (piq kuex Yuda phvnx Pereza taungx wawc rvtueq)
Lex nueyc yac nuex: Ahohi suiuz vsaz wawc Dodai (piq yauk khung wawc kuex Miklot rvtueq)
Lex thuimx yac nuex: shomc waz Jehoiada saz Benaia; piq kuex “Waz rokthuimx” nuex walaungx rvtueq (vsaz Amizabad kuex piq jvp juing nuex kvhttungx vtueq kvruex phungc kuex guimz lawc yaq)
Lex bvlic yac nuex: Joab nox Asahel (vsaz Zebadia kuex piq jvp juing nuex kvhttungx tueq)
Lex bv-ngac yac nuex: Ezhar suiuz vsaz Shamhut
Lex tvruk yac nuex: Tekoa ghaq jix Ekkesh saz Era
Lex mvshix yac nuex: Pelon ghaq wawc Ephraim miqsaz Heleza
Lex tvjvt yac nuex: Husha ghaq jix Sibbekai (piq kuex Yuda phvnx wawc Zera taungx rvtueq)
Lex tvkuiuz yac nuex: Benjamin phvnx ghaq vraungx Anathot ghaq wawc Abiezer
Lex rokshiz yac nuex: Netopha ghaq jix Maharai (piq kuex Zera taungx wawc rvtueq)
Lex rokshiz rac lex shiz nuex: Ephraim phvnx ghaq vraungx wawc Pirathon ghaq jix Benaia
Lex rokshiz rac lexnueyc nuex: Netopha ghaq jix Heldai (piq kuex Othniel suiuz vsaz)
Israel Phvnx htenc Guimz Lawc lvmz
16-22 Vruex kuex Israel phvnx htenc guimz lawc jix hez muingc rvtueq:
23 Israel miqsaz kuex raungwawc ruiysuiyq ikhoc tvpux paung shaungx ngoz tueq Yehowa bomkhvmc ningkhvnc nuex, Hokhvmx Dawid rueq rullungx rok nueyc maq kaq kox miq kuex muingc wvlc lvmz muq doc.Ref 27:23 Vph 15:5; 22:17; 26:4 24 Vnyuiuz Zeruia saz Joab rueq muingc wvlc lvmz phaungc tueq, yuq muinz tvlot laz shuimx lvmz muq doc. Vkhoc muingc wvlc lvmc ningkhvnc nuex Israel miqsaz muex Tishox rueq murx tvgurc tueq. Kvkhoc rvtueq Hokhvmx Dawid rungx wawc mvnphvnc luik htenc nuex tvsuip wawc lombot kuex mkaq muinz wuiyq tvtsuingc shec muq doc.Ref 27:24 2Sam 24:15; 1Tvts 21:1-14
Hokhvmx Tsak Nyvmx Guimz Lawc jix Hez
25-31 Vruex kuex hokhvmx tsak vnyvmx guimz lawc jix hez muingc wvlc rvtueq:
Hokhvmx tsak vnyvmx tvy juing khok htenc kuex: Adiel saz Azmawet
Mungx tsak vnyvmx tvy juing khok htenc kuex: Uzia saz Yonathan
Wuik vnax yauk shuimc htenc kuex: Khelub saz Ezri
Svpiq sunc htenc kuex: Rama ghaq jix Shime
Svpiq tix tvy juing puix khuix htenc kuex: Shepham ghaq jix Zabdi
Olip nuiyc phuiuq muiuq jungx htenc kemz yaq (shalx nyuip kanx yaz kuex): Geder ghaq jix Bala Hanan
Olip puiz tvy juing tumz kuex: Joash
Sharon Tvnx wawc manx htenc kuex: Sharon ghaq jix Shirtai
Warc tvnx htenc wawc manx htenc kuex: Adlai saz Shaphat
Kamel htenc kuex: Eshmael miqsaz Obil
Loze htenc kuex: Meronot ghaq jix Jedeia
Khelbuenx nuiyc khelkhix htenc kuex: Hagari miqsaz Jaziza rueq lawc tueq.
Dawid rulc Rvjungc Rv-phvnc Walaungx Bix
32 Hokhvmx Dawid muex vwaungx Yonathan kuex tharc jungphvnc jix waz nuiyc wvtharc miq rvtueq. Piq nuiyc Hakmoni saz Jehiel kuex hokhvmx waz sahez muex luik vlvyx tvthenc tvtuiuz nuex shunshvlc jix rvtueq. 33 Ahithophel kuex hokhvmx waz rulc rvjungc rv-phvnc walaungx rvtueq, Arki miqsaz Hushai kuex hokhvmx waz kungjix hez rulc rvjungc rv-phvnc walaungx rvtueq. 34 Ahithophel thueyc kay yix, Benaia saz Abiatha nuiyc Jehoiada kuex rvjungc rv-phvnc walaungx yaungx wvnc tueq. Joab kuex hokhvmx nolaungx phungc nuex vyungx rvtueq.