TVTSVMC 99
1 Yehowa kuex hokhvmx rvtueq;
miq htenc kuex hiyaz kvkhuirc wuez yaq.
Vpiq kuex kherubim hez htauk
wawc vpiq daungraungc htauk nuex ngaungc yaq,
ghaq kuex kvkhuirc kvbuilc yaq.Ref 99:1 Dw 25:22
2 Zion nuex httax yaq Yehowa kuex
hungc vlaungc yunghvlc httax yaq;
miqphvnx htenc lotlaz htauk nuex
pinhtumc yunghvlc waz rvtueq.
3 Miq ruip rawx rueq vpiq yungx luz vtueq ngauz vngax mvrc yaq
muingc jungc kuex tvtsvmc wuez shuex.
4 Hungc vlaungc httaz hvlc hokhvmx
waz lex, mnoz rueq vlvmx kuex lungwawx vshuiux;
Israel mungtan nuex tvrac vlvmz kuex mnoz rueq taq shec toq;
tsuingrux nuiyc tvrac rvkhauk laz kuex mnoz rueq tv-nyuip taq wvnc toq.
5 Yehowa naungshiq Tishox muex tvtsvmc wuez shuinz;
vpiq hoc daungraungc khaungkac
nuex bumx vtueq nawk wuez shuinz!
6 Moshe nuiyc Arun kuex vpiq shomc waz nueyc rvtueq,
Samuel muinz vpiq kox wawc vjux thoz jix waz rvtueq;
tsuinghez rueq Yehowa kuex gvl
wuez koq tueq vpiq rueq muinz tsuinghez muex tvralc kuq tueq.
7 Vpiq rueq tsuinghez muex phuemx tul maq kvjak naungx tueq;
vpiq rueq tsuinghez muex kuq
tueq tvrac htenc nuiyc nvrc bomc htenc kuex tsuingshiq
phvnx tvhungx wuez tueq.Ref 99:7 Dw 33:9
8 O Yehowa nuiyshiq Tishox lex, mmiqsaz htenc rueq gvl yaq
kuex mnoz rueq tvralc kuq toq;
tsuingshiq rueq yaq wvnc tueq mvrax htenc ningkhvnc nuex
mnoz rueq tsuingshiq muex murx tvgurc kuq ruiux muinz,
mnoz kuex mvrax htenc dawc kuy jix waz Tishox rvtoq kuex tvkhic vshuiux.
9 Yehowa naungshiq Tishox muex tvtsvmc wuez shuinz,
vpiq vsawc ghaqluimx nuex nawk palx wuez shuinz!
Yehowa naungshiq Tishox kuex vsawc rvtueq.