TVTSVMC 73
Dvp Thuimx
1 Tishox rueq thuinz vmungx vsawc
Israel miqsaz htenc muex vsuing kejux kuq yaq.
2-3 Yuq muinz layx bac jix htenc tvkoc phvnx ruip saz nuex
vhvlx kuex ngaz rueq khiz tauk,
kvruex ningkhvnc nuex ngamc ngax yaq jix htenc kuex
ngaz rueq lawc vtueq khvnnyvnx sac yaq,
thuinz tvluimc lvmx ngvy htauk wawc tvmoz gay khvmkhvmz,
ngvy kvmluimx lvmx muinz htumx wvnc khvmkhvmz rvtueq.
4 Tsuingshiq kuex wvhungc wv-
laungc nuiyc gvnhttuingc ning-khvnc nuex jamjaux kuex
tsuingshiq rvhumc muq.
5 Tsuingshiq kuex vganc miqsaz htenc ikhoc jamjaux kuex rvhumc roc muq;
vganc jix rvhumc yaq kuilc daz htenc kuex tsuingshiq rueq lvp muq.
6 Kvkhoc rvtueq tsuingshiq ngamc
ngax yaq kuex luek tumx ikhoc
yauk laungc yalawx thuinz kuex svmhung yungx ikhoc svmx wuez yaq;
7 tsuingshiq thuinz vmungx maq
honc bac phvnx htenc kuex ruiuc kuq vtueq,
tsuingshiq thuinz vmungx nuex layx bac lvmx
kvmungx htenc kuex moay tsaungx yaq.
8 Tsuingshiq rueq vganc miq htenc muex nueykuic vtueq
honc vbac lvmx htenc jungx yaq;
tsuingshiq kuex kvsomc parc vtueq vganc jix miq htenc
tuinghtuing mop jap tvkoc tvnkhvnz yaq.
9 Tsuingshiq rueq raungmungx
wawc Tishox muex vbac shummarc kvjaz jungx ruiux,
ghaq ruiykhuix nuex httax yaq miqsaz htenc muex kvsomc
parc nvrc bomc kuq yaq.
10 Kvkhoc rvtueq Tishox miqsaz htenc shauk tsuingshiq kox nuex kvroz wvnc vtueq,
tsuingshiq rueq jungx yaq yvmx lvmx yuq muinz raungc raq
thuinz maq kvmx wuez yaq.
11 Tsuingshiq rueq, “Tishox rueq tuiuz shuex rvmuq;
Johvlc Pinhtumc waz humc shuex rvmuq,” ngoz tueq jungx wuez yaq.
12 Layx bac jix htenc kuex kvkhoc yaungx vtueq tsuingshiq kuex
vjvnc vnac lvp yaq nuiyc mkaq muinz jvnc vtueq
13 Kvkhoc rvtueq ngvy shauk pumz ngaz sawc laz juing ngoz tueq,
mvrax shuimx mauk maq httax wvnc tauk kuex khuec guez
dvyx wuez rax tvnx?
14 O Tishox lex, mnoz rueq ngaz muex nuiyqtuimc kuilc daz tvrvhumc vphux;
mnoz rueq ngaz muex wvraungx nvpnvp murx tvgurc vphux.
15 Mkhoc shoc maq kvkhoc lvmz htenc ngaz rueq jungx gay
ruiux muinz, mmiqsaz htenc wawc miq vshiz ikhoc
ngaz tvraungx httax taungx rvmuq shex.
16 Vkhoc rungx rax yaq lvmx htenc kuex ngaz rueq laungc maq
thuinz nuex tvmaung wvnc tauk,
yuq muinz kvruex kuex vtuiuz tvkoc ngvy tvkoc pinhtumc gvrx yaq,
17 kvkhoc ngaz kuex Mshomc Yuimx
nuex httuiuc kaz tauk nuex httuiuc gvrx yaq.
Kvkaq layx bac jix htenc nuex yvmx khoc lac yaungx wvnc
tvnx lvmz kuex ngaz rueq tuiuz yaq.
18 Mnoz rueq tsuingshiq kuex vjelc juing baung htenc maq tvjel
vtueq tvsumx rumx tvbac gay shuiux!
19 Tsuingshiq kuex kvkaq dvyx tvbac gay rvhumc tueq;
tsuingshiq vtvsuip nuex yaungc wvnc juing kuex vhiz juing rvtueq.
20 O Taungjix lex, tsuingshiq kuex raungnvp nuex moz wvnc yaq
raungwvrx maung rulc rv-ngvlc yaq;
mnoz kvsvmc wvnc toq nuex
tsuingshiq kuex vmoz wvnc wuez shex rvtueq.
21 Ngaz rueq tvmaung lvmx htenc kuex khuip hvlc raz tueq
kvtsux tsaungx vtaungx nuex,
ngvy kvmungx lvmz thuinz nuex thuiuz yaq nuiyc,
22 ngvmx saz ikhoc ngauk ngaz wvnc
vtueq mthuinz roc lvmx kuex ngaz rueq tuiuz tay lot mauk.
23 Yuq muinz ngaz kuex mnoz rulc vnyek nuex mkaq muinz httax vtaungx,
mnoz rueq ngaz kuex yauk maq shuimx vphux.
24 Mnoz rueq ngaz muex tharc jungx
kuq ruiux lvmx shvlx kuq vtueq,
mnoz rueq ngaz kuex vtvsuip
nuex tvtsanc nganc vtueq lvp wvnc phux.
25 Ngvy tvkoc mnoz maq lvy vtueq raungmungx nuex
ukhaq lac httax yaq nguinx?
Mnoz kuex ngaz nuex httax ruiux yuq ghaq htauk vwawc
ngaz rueq yvmx lac roc yek shaungx?
26 Ngvy thuinz vmungx nuiyc shauk vpumz nulx wvnc tauk,
yuq muinz Tishox kuex ngvy hungc vlaungc rvtueq;
ngaz muex rax yaq lotlaz kuex vpiq rvtueq.
27 Mnoz tuip gay jix htenc kuex
vsuingc suing vhtumx rvwvnc tuex;
mnoz muex tvmtuing httax muq jix htenc kuex mnoz rueq
tvbac gay shuiux.
28 Yuq muinz ngvy tvkoc kuex Tishox
rulc vnyek nuex httax lvp taungx,
Johvlc Yehowa nuex kvwungx kvguing lvmz humc lvp tvkoc
nuiyc vpiq rueq shuimx wvnc tueq yauk shuimc htenc
jungphvnc kuy lvmx kuex mtanc vwangc juing lac rvtvnx nyix!