TVTSVMC 70
O Tishox lex, ngaz palc wvnc koq!
Yehowa lex, ngaz muex majuiuc dvyx romc kuq koq!
Ngvy thvy tvkoc hunglaungx yaq jix htenc tvsawc ric
tvsumx rumx gay ruiux nut gay mrvhumc kueq.
Ngaz kuilc daz vtaungx lvmz htenc ningkhvnc nuex kokez jix htenc kuex
yix nuex rv-nyuik vtueq yvlc svy mrvhumc wuez kueq.
Ngvy nueykuic jix htenc tsuingshiq sumrumx wvnc vtueq
pinhtumc mkawc yawc wuez kueq.
 
Mnoz kox nuex httuiuc kay jix
lotlaz kuex vshuenc vruenc maq mkokez wuez kueq.
Mnoz rueq palc wvnc lvmx muex
kejux vyungx ngoc jix lotlaz rueq,
“Tishox kuex vtanc khvnc yungx yaq nyix!” ngoz tueq
mkaq muinz mjungx shueq.
 
O Tishox lex, ngaz kuex nulx wvnc vtueq htemrvmz vtaungx;
O Tishox lex, ngvy kox nuex htat htat kaz loq.
Mnoz kuex ngvy palc jix waz nuiyc ngvy Yehowa rvtoq,
ngaz muex romc kuy tvkoc mak mak httuiuc kaz loq!