TVTSVMC 67
1 Tishox lex, nuiyshiq muex menjenc vtueq ruimruimx kuq koq;
nuiyshiq kuex menjenc thuinz maq lawc koq,
2 kvkhoc ngoz ruiux mungkawx lotlaz kuex mnoz rueq
raungc raq thuinz kuex tuiuz wvnc wuez shuex;
miqphvnx lotlaz rueq muinz mnoz
rueq palc wvnc shuiux lvmx kuex mtuiuz wvnc wuez shueq.
3 O Tishox lex, mmiqsaz htenc rueq mnoz muex mtvtsvmc wuez shueq;
miq lotlaz rueq mnoz muex mtvtsvmc wuez shueq!
4 Miq htenc kuex tvrac vlvmz maq phox kuq ruiux,
ghaq htauk wawc miqphvnx ruip rawx muex lvmx shvlc kuy ningkhvnc nuex,
miqphvnx htenc vkoz vkez thuinz
maq mshix ngoyx wuez kueq.
5 O Tishox lex, miq htenc rueq mnoz muex mtvtsvmc wuez shueq;
miqsaz lotlaz rueq mnoz muex mtvtsvmc wuez shueq!
6 Ghaq rueq vthuey vngoz htenc kuex tvthuey ngoz kuq tueq,
Tishox, naungshiq Tishox rueq naungshiq muex ruimruimx kuq phuex.
7 Tishox rueq naungshiq muex ruimruimx kuq phuex;
baung ruip saz nuex httax yaq miq lotlaz rueq
vpiq muex mtvtsanc nganc wuez shueq.