TVTSVMC 59
Ngvy Tishox lex, ngvy ralx hez kox wawc ngaz kuex palc wvnc koq;
ngvy khvt jix hez yauk wawc ngaz kuex tvkhup wungx kuq koq!Ref 59:1-17 1Sam 19:11
Honc bac jix miqsaz htenc yauk wawc ngaz palc wvnc koq;
miq thvy yauk shuimc jix hez yauk wawc ngaz kuex tvguing wvnc koq!
 
3-4 Lawc shuiuz! Tsuingshiq rueq ngvy thvy tvkoc bvmc wuez yaq;
Miq guirguenc jix nuk rueq ngvy khawc lvlc tvkoc rvtuimx wuez yaq.
O Yehowa lex, tsuingshiq rueq ngvy khvt tvkoc
tvyoalc yoalx httax yaq lvmz kuex ngaz rueq vshuimc tvyaq tauk lvmz,
rvmuq ngoz ruiux mvrax ning-khvnc nuex muinz rvmuq,
kvdvyx muinz rvmuq, ngvy mvrax
phvnx shishiz ningkhvnc nuex muinz rvmuq.
 
Tvphaungc Tvsuip Yehowa Tishox lex, kvtenc kuiuz, n
gvy muex romc kuy kay kaz loq;
Israel Tishox lex, mnoz shauk pumz kuex lawc shuiuz!
Kvtenc vtueq mungganc miqsaz htenc muex murx tvgurc shuiuz;
rotshuik kaqshauk tvmtuing httax muq miqsaz htenc muex
nauk menjenc kuq kaz!
 
Tsuingshiq kuex ghaqyungx kvyuq raungnyauk nuex yek waung ruiux,
guyhex ikhoc guir vtueq kvroz khuemx yaq.
Tsuingshiq rueq shummarc tvhiz yaz yaq kvjaz kuex tay shuiuz.
Tsuingshiq nuix mungx wawc tvlix
htenc kuex yaung ikhoc httez yaq,
yuq muinz tsuingshiq rvbomc nyamc yaq kuex uraq muinz tay muq
ngoz tueq tsuingshiq rueq tvmaung wuez yaq.
 
Yuq muinz Yehowa lex, mnoz
rueq tsuingshiq muex nueyx vtuiux;
tvrac phvnx muq miqsaz lotlaz muex nueykuic vshuiux.
Ngaz kuex mnoz hungc vlaungc muex kvmx vtaungx;
O Tishox lex, mnoz kuex ngvy kvwungx juing rvtoq.
10 Ngvy Tishox rueq ngaz lungwawc vtueq ngvy kox nuex kaz ruex;
ngvy ralx htenc sumx wvnc tuex
lvmz vpiq rueq ngaz muex tvkhic kuq phuex.
 
11 O Tishox lex, tsuingshiq kuex nauk thvt gay kaz,
rvmuq ngoz ruiux ngvy miqsaz htenc rueq lauk gay khiq.
Nuiyshiq tvkhup wungx jix Yehowa lex, mnoz hungc vlaungc maq,
tsuingshiq kuex nyanc gay ruiux taungx gay shuiuz.
12 Mvrax kuex tsuingshiq nuix bar htenc nuex httax yaq;
tsuingshiq bomc poz lotlaz muinz mvrax jvnc rvtueq;
tsuingshiq kuex tsuingshiq ngamc ngax yaq bix nuex dvyx
mmanz wuez kueq!
Tsuingshiq kvtuemc kvtaungc
bomc nuiyc vrot vkaq kvjaz jungphvnc ningkhvnc nuex,
13 mthuinz khvy maq tsuingshiq kuex tvbac gay shuiuz;
tvsawc ric tvbac gay shuiuz.
Kvkaq Tishox rueq Israel guimz yaq lvmz kuex miq ruip rawx
rueq tuiuz wvnc vtueq,
vpiq rueq guimz yaq kuex ghaq
lotlaz nuex nyvmc wvnc shuex rvtueq.
 
14 Ngvy ralx htenc kuex raungwvrx nuex yek kaz vtueq,
guyhex ikhoc guir ruiux ghaq yungx mungx nuex kvroz khuemx wuez yaq,
15 tsuingshiq kuex guyhex ikhoc kvroz khuemx vtueq
phuiuz vsvy thuiyx phauk saq yaq, phuiuz vsvy phoay laz
humc phauk saq muq ngoz ruiux thuirx tvruingx wuez yaq.
 
16 Yuq muinz mnoz hungc vlaungc lvmx kuex ngaz rueq
shic maq tvtsvmc shaungx;
mnoz phaungx ngaungx yaq lungwawc thuinz lvmx kuex
wvraungx nvpnvp guyc shix taungx.
Mnoz kuex ngvy pvrrawx yaungx vtueq,
ngaz kuilc daz rvhumc taungx nuex ngvy rvwak juing rvtueq.
17 Ngvy tvguing jix waz lex, ngaz rueq mnoz muex tvtsvmc vphaungx.
Tishox kuex ngvy kvwungx juing rvtueq,
ngvy lungwawc jix Tishox muinz rvtueq.