TVTSVMC 54
1 O Tishox lex, mnoz luimc vkawc maq ngaz palc wvnc koq;
mnoz pinhtumc hungc maq ngaz kuex tvdung wvnc koq!Ref 54:1-7 1Sam 23:19; 26:1
2 O Tishox lex, ngvy vjux thoz bomc kuex tay kuq koq;
ngaz rueq thoz vphaungx kvjaz kuex tay shuiuz!
3 Ngamc ngax yaq jix htenc kuex ngvy khvt tvkoc kaz yaq;
Tishox kuex wvlc guez tvyaungc jix miq kungshiz rueq muinz,
ngvy thvy tvkoc hunglaungx wuez yaq.
4 Yuq muinz Tishox kuex ngaz muex romc kuy jix waz rvtueq.
Yehowa kuex ngaz muex tvguing gawx kuy jix waz rvtueq.
5 Ngvy ralx htenc muex murx tvgurc tvkoc Tishox rueq
tsuingshiq honc bac kuex mtvyaungx kuq shueq.
Vpiq kuex tvmtuing thuinz httax yaq ningkhvnc nuex
tsuingshiq kuex vpiq rueq tvbac gay shuex.
6 O Yehowa lex, ngaz rueq mnoz muex kokez thuinz maq shomc nawk kuq phaungx;
mnoz vhvlx ningkhvnc nuex ngaz rueq mnoz muex
kejux vyungx ngoz vphaungx.
7 Ngvy kuilc daz htenc lotlaz wawc mnoz rueq ngaz kuex tvwungx wvnc phux,
ngvy ralx htenc sumrumx wvnc vtuex kuex ngaz rueq khiz lvp vshaungx.