TVTSVMC 47
Miq lotlaz lex, vkoz vkez maq yauk phac tuimz wuez shuinz!
Yunghvlc maq guyc shix vtueq Tishox muex tvtsvmc shuinz!
Johvlc Pinhtumc Yehowa kuex miqhiz vsac waz rvtueq;
vpiq kuex mungkawx lotlaz guimz yaq yunghvlc hokhvmx waz rvtueq.
Vpiq rueq naungshiq muex miq htenc taungx lot juing kuex kuq phuex;
vpiq rueq naungshiq muex miq phvnx htenc kuex tvremx tvlawc yaq.
Vpiq rueq naungshiq httaz juing ghaq vraungx kuex
naungshiq tvkoc thvl taq shec tueq,
kvruex kuex vpiq rueq lungwawx
yaq vpiq miqsaz htenc kvsomc parc juing rvtueq.
Tishox kuex vpiq hoc daungraungc nuex duiz woz tueq.
Yehowa duiz woz ruiux yuq, vkoz vkez guyc sez tvruingc nuiyc
bolic tuimc tvruingc htenc kvtay yaq.
Tishox muex shic maq tvtsvmc wuez shuinz;
naungshiq hokhvmx muex shic maq tvtsvmc wuez shuinz!
Tishox kuex mungkawx lotlaz guimz jix hokhvmx rvtueq;
shic vngoyc maq vpiq muex tvtsvmc wuez shuinz!
Tishox kuex vpiq sawc hvlc hoc daungraungc nuex ngaungc yaq;
vpiq rueq miqphvnx htenc kuex guimz lawc yaq.
Miq phvnx htenc wawc guimz lawc jix htenc kuex
Abraham Tishox miqsaz htenc rulc vdvmz nuex rvtuimx naungx tueq.
Nolaungx lotlaz htauk nuex muinz luimc vkawc kuex vpiq nuex yungx yaq;
vpiq rueq johvlc maq guimz lawc yaq.