TVTSVMC 38
O Yehowa lex, thuinz tvkhaq vtueq ngaz muex mvrax nauk kuq vkueq!
Mnoz rueq ngaz kuex laq maq gap vtueq vmac tvlvp vphux;
mnoz rueq ngaz wung tvrul gay vphux.Ref 38:2 Yob 6:4
 
Mthuinz khvy ningkhvnc nuex ngaz pinhtumc vthuiuz vsac rvhumc vtaungx;
ngvy mvrax htenc ningkhvnc nuex ngvy gvnpumz nuex vmac vtsac talaz.Ref 38:3 Btg 3:8; 4:22; Esa 66:14; Yob 33:19
Ngaz kuex ngvy mvrax yuix puingc mungx nuex htuip wvnc vtaungx;
kvruex kuex jamjaux gurc liq vshiz ningkhvnc nuex
vnanx tvkoc pinhtumc liz hvlc.Ref 38:4 Wkh 11:14; Ezra 9:6; Luk 11:46
 
Ngaz kuex miqyaq yaungc kaz tauk ningkhvnc nuex,
ngvy vmac vtsac htenc kuex nvmx vtueq thuingx yaq.Ref 38:5 Tvts 147:3; Yob 19:17
Ngaz kuex kungc wvnc vtueq, thuinbac rvhumc vtaungx;
nuiyqtuimc ngaz yonzyex vtaungx.
Ngaz kuex gvnkvlc thuiuz vtaungx
nuiyc thueyc khvmkhvmz shex.Ref 38:7 Yob 14:22
Bunluik kvluik rvyuiuq yulx wvnc vtaungx;Ref 38:8 Btg 17:22
ngvy thuinz vmungx kuilc daz rvhumc vtueq, huinsez thuiuz sac vtaungx.
 
O Taungjix lex, ngaz rueq yvmx lac roc vshaungx kuex mnoz rueq tuiuz yaq;
ngvy huinsez kuex mnoz rueq tay shuiuz.Ref 38:9 Yob 3:24
10 Ngvy thuinz vmungx phez yaq, ngvy hungc vlaungc muinz htumx kaz shex,
ngvy muik htenc muinz mawrawz wvnc vtuex.
11 Ngvy mac vtsac ningkhvnc nuex kungjix nuiyc yuimx phic jix htenc
ngvy hep nuex kvnvp kaz muq;
ngvy yuimx wuinz doc muinz ngvy kox nuex kaz wuez muq.
12 Ngvy thvy roc jix rueq ngvy tvkoc bix tsvnc taq tueq,
ngvy tvthuiuz sac roc jix htenc rueq muinz ngaz kuex
tvbac tac gay tvkoc tvhiz sungx yaq;
tsuingshiq rueq ngaz kuex thauk muq vbac lvmx tvnkhvnz yaq.
 
13 Ngaz kuex vbawx miq ikhoc tay lot mauk,
nuix tuingx jix ikhoc kvjaz lot mauk.Ref 38:13 Esa 43:8; Mak 7:37
14 Ngaz kuex nac maq tay mauk ningkhvnc nuex
tvralc muq nac bawx waz rulc rv-ngvlc vtaungx.
 
15 Yuq muinz O Yehowa lex, ngaz kuex mnoz muex tvluimc vphaungx;
O Yehowa ngvy Tishox lex, mnoz rueq ngaz muex tvralc kuq phux rvtueq.
16 Ngvy ralx htenc ngaz kuilc daz vtaungx lvmz nuex nauk tvkokez kaz;
ngaz rul wvnc vtaungx lvmz kvmac muinz tsuingshiq kuex
nauk tvshomc parc kaz.Ref 38:16 Tvrac 32:35
17 Ngaz kuex rul wvnc khvmkhvmz shex nuiyc,
rvlec wvnc tvlanc thuiuz vsac kuex rvhumc vtaungx.Ref 38:17 Yob 6:10
 
18 Ngvy mvrax htenc kuex ngaz kvjungc vtaungx;
kvruex raq ngaz kuex rvwvlc tvmaung lvmz tvyaungc yaq.Ref 38:18 Lew 26:40
19 Ngvy ralx htenc kuex gvnhttuingc
nuiyc hungc vlaungc httax hvlc;
khuec guez lvmx guez ngaz muex
shuiuc pac jix paunghvlc httax yaq.
20 Vhvlx tvkoc honc vbac yez kuy jix htenc kuex
vlvmx yauk shuimc kuex ngaz
rueq tvyaq shuimx vshaungx ningkhvnc nuex,
ngaz muex khawx lvlx wuez yaq.Ref 38:20 V.V 44:4; 1Yoh 3:12
 
21 O Yehowa lex, ngaz kuex nauk tuip gay vkueq;
ngvy Tishox lex, ngaz rulc yalc hvlc nuex nauk httax kaz.
22 Ngvy palc jix waz O Yehowa lex,
ngaz muex majuiuc dvyx romc kuq koq!