TVTSVMC 29
1 Raungx miqsaz htenc lex, Yehowa muex tvtsvmc wuez shuinz;
vpiq ngauz vngax nuiyc luimc vkawc kuex tvtsvmc wuez shuinz.
2 Ngauz vngax mvrc yaq Yehowa muingc kuex tvtsvmc wuez shuinz;
Vsawc Waz httuiuc kaz ruiux yuq vpiq khaungkac nuex bumx vtueq nawk wuez shuinz.Ref 29:1-2 Tvts 96:7-9
3 Yehowa thuic bomc kuex svmuk-tvrax htauk nuex kvtay yaq;
ngauz vngax kvkhic yaq Tishox thuic bomc kuex raungx muk ikhoc tvruingx yaq,
vpiq thuic bomc kuex svmuk-tvrax nuex rv-ngawx yaq.
4 Yehowa thuic bomc kuex hungc yunghvlc nuiyc
yungc loayc hvlc lvmx lotlaz nuex kvtay yaq.
5 Yehowa thuic bomc rueq ruippulx htenc dvyx rvmuq,
Lebanon yaruix rumz wawc
ruippulx htenc tauk tawk gay tueq.
6 Piq rueq Lebanon kanx htenc kuex
manx sahez ikhoc tvdawk vtueq,
Hermon Kanx kuex manx pung saz
vshiz ikhoc tvdawk daat tueq.
7 Yehowa thuic bomc rueq raunglep tv-phez yaq.
8 Vpiq thuic bomc rueq kumtsvy tvnx kuex buil tueq;
Kadesh kumtsvy tvnx kuex vpiq rueq buil tueq.
9 Yehowa thuic bomc rueq khauk
rauk jungx htenc kuex buil vtueq
pulx yauk htenc tvruk gay tueq nuex,
“Tishox ngauz vngax mhttax kueq!”
ngoz tueq Shomc Yuimx wawc
miq htenc kuex guyc sez wuez tueq.
10 Yehowa kuex thuiuz hvlc yuix kuex guimz yaq;
vpiq kuex pattup hokhvmx muex yaungx yaq.
11 Yehowa rueq vpiq miqsaz htenc
muex hungc vlaungc kuq vtueq,
nomic kejux maq tsuingshiq muex ruimruimx kuq tueq.