TVTSVMC 23
Yehowa kuex khelbuenx rvtauk ngaz kuex remc jix waz rvtueq;
ngaz muex rax yaq phvnx ruip saz kuex ngaz rueq lvp luz vshaungx.
Vpiq rueq ngaz kuex wuiljuit wuiljaungx renhttuingx ruix tvnx nuex tvguilc kuq yaq;
kuiyqshuik suinglix yuix jumx nuex ngaz kuex shvlx laq phuex.Ref 23:2 Tvkh 7:17
Vpiq rueq ngaz muex hungc vlaungc vnyalx kuq phuex.
Vpiq rueq bomkhvmc kuq shec tueq rulc rv-ngvlc vlvmx rvkhauk laz nuex
ngaz kuex tvguing wvnc phuex.
Thuiuz hvlc raungnyauk mungx maq ngaz yanz wvnc ruiux muinz,
mnoz kuex ngaz rulc vdvmz httaz ningkhvnc nuex,
Yehowa lex, ngaz hiz taungx rvmauk.
Yvmx khoc lac ngoz ruiux lec mnoz khelbuenx remc juing jowvyx
nuiyc paq maq ngaz muex tvwungx kuq phux.
 
Ngvy ralx htenc lotlaz rueq ngaz khiz yaq baung nuex,
ngvy tvkoc humpanx kuex mnoz rueq tvhungx kuq phux;
mnoz rueq ngaz kuex tvtsanc nganc rvhumc yaq wuinz waz vshiz ikhoc malc wvnc phux;
ngvy kok kuex lemz laz tvmvrc kuq phux.
Mnoz vhvlx lvmz nuiyc lungwawc thuinz kuex ngvy rullungx wvlex
ngaz rulc vdvmz httax tuex ngaz rueq tuiuz yaq;
m-yuimx kuex pattup ngvy httaz juing muex yaungx tuex.