TVTSVMC 149
Yehowa muex tvtsvmc shuinz!
 
Yehowa muex shic vnyalx maq shix ngoyx shuinz;
vpiq tvmtuing httaz jix miq htenc
rvtuimx yaq kvyuq vpiq muex tvtsvmc shuinz!
Israel lex, nuimshiq Tvdungc Sungc
jix Waz ningkhvnc nuex kokez wuez kuinz;
Zion miqsaz htenc lex, nuimshiq hokhvmx waz ningkhvnc nuex
kokez kvsomc parc kuinz!
Vpiq muingc kuex wvnuemc wvnvyc maq tvtsvmc shuinz;
sengrengc htenc nuiyc torox htenc tuimz vtueq vpiq muex tvtsvmc shuinz.
 
Yehowa rueq vpiq miqsaz htenc kuex raungc raq yaq;
thuinz tvyomx jix htenc muex taungx wvnc maq tvtsanc nganc yaq.
Tishox miqsaz htenc rueq tsuing-
shiq lotlaungc taungx lvmx nuex mkokez wuez kueq,
vkoz vkez maq wvrx taungx tsuingshiq mshix ngoyx wuez kueq.
6-7 Miq phvnx htenc kuex taungx gay
tvkoc nuiyc miqsaz htenc muex murx tvgurc tvkoc muinz,
8-9 tsuingshiq hokhvmx bix htenc
nuiyc walaungx bix kuex yanx ruiuz htenc maq khvrc vtueq,
Tishox rueq nvrc bomc rulc rv-ngvlc miqphvnx htenc muex
murx tvgurc tvkoc muinz,
Tishox miqsaz htenc kuex tsuing-shiq yauk nuex httehvlc yaung
htenc shuimx vtueq yunghvlc maq guyc vtueq Tishox muex
tsuingshiq rueq mtvtsvmc shueq.
Vruex kuex Tishox miqsaz htenc
rueq taungx wvnc lvmx rvtueq.
 
Yehowa muex tvtsvmc shuinz!