TVTSVMC 122
Tsuingshiq rueq, “Yehowa yuimx nuex naungshiq waung ix,”
ngoz tueq ngaz muex jungx phuex nuex ngaz kokez tauk.
Majuiuc naungshiq kuex Yerusalem
ghaqyungx kaluix lvmx mungx nuex jvp wuez vtix!
 
Yerusalem ghaqyungx kuex piq baung baung nuex hungx laz
svp rvp hvlc vguirx shex ghaq yungx rvtueq.
Vruex ghaqyungx kuex vpiq nvrc
bomc rulc rv-ngvlc Yehowa muex kejux vyungx ngoc
kuy tvkoc vphvnx htenc nuiyc Israel phvnx htenc rvtuimx
kay juing baung rvtueq.
Ghaqyungx vruex kuex Israel hokhvmx bix hoc nuex
ngaungc vtueq tsuingshiq miqsaz htenc muex khac
phoc kuy juing baung rvtueq.
 
“Mnoz muex lungwawc jix htenc
kuex mrungx wanx wuez kueq:
m-ghaqyungx palx ruk mungx kox nuex nomic mhttax kueq,
mnoz hoc htenc nuex nomic
mhttax kueq,” ngoz tueq Yerusalem ghaqyungx nomic
tvkoc vjux thoz wuez shuinz ngoz tueq.
Ngaz rueq iphvnx imaq htenc nuiyc kungjix bix tvkoc
Yerusalem muex, “Mnoz nuex nomic mhttax kueq!” ngoz tueq jungx tauk.
Naungshiq Yehowa Tishox yuimx kvruex rawc nuex,
mnoz rungwanx wvnc tvkoc vjux thoz vshaungx.