TVTSVMC 12
O Yehowa lex, nuiyshiq muex romc kuq koq!
Miq hvlx jix vshiz muinz kvjungx muq shex;
tsuingrux jix miq htenc muinz raungluingx muinz humc lot miq.
Tsuingshiq lotlaz rueq vdvmz dvmz vrot vkaq kvjaz maq
tvyoq yvmx jungx vtueq laulawc wuez yaq.
 
3-4 O Yehowa lex, tvyoq yvmx jung-phvnx yaq tvlix kuex tvsuingx gay shuiuz!
“Nuiyshiq nuix htenc maq nuiy-shiq rueq roc shix phvnx kuex lvp vshix;
nuiyshiq rueq yvmx lac roc vshix lvmz kuex jungphvnx vshix nuiyc,
uraq muinz nuiyshiq kuex tuing-shaung lot phuex rvmuq,”
ngoz tueq kvsomc parc jix nuix htenc kvmuinz httuiuq gay shuiuz.
 
Yehowa rueq, “Yuq muinz htem-suiuz rvmsaz jix tvkuilc daz rvhumc yaq ningkhvnc nuex muinz,
vguirc vguenc rvhumc jix kuex vthuiuz vsac nuiyc vhuinc vsez rvyaq ningkhvnc nuex muinz,
ngaz majuiuc dvyx kaz raungx.
Tsuingshiq rueq raungc raq yaq vhiz rac muq kvwungx juing
kuex ngaz rueq kuq shaungx,” ngoz tueq jungx tueq.
 
Yehowa bomkhvmc htenc kuex tvluimc juing rvtueq;
kvruex kuex wvr nuex lauk mvshix tvyuimx yoalx
kuimphox sawx shauk ikhoc rvtueq.
 
7-8 Layx bac jix htenc kuex baung ruip saz nuex httax yaq;
honc vbac lvmz kuex uraq muinz raungc raq tvtsvmc kvmc wuez yaq.
O Yehowa lex, nuiyshiq kuex mkaq muinz kvwungx httaz tvkoc tvkhup wungx kuq koq,
kvkhoc jix miqsaz htenc yauk wawc nuiyshiq kuex httuiyq httvmx taq koq.