TVTSVMC 110
1 Yehowa rueq, “Mralx htenc kuex m-yaz nuiuz juing daungx muex
ngaz rueq tvyaungc shaungx
nuex httuiuc laz, ngvy yauk-keq kox nuex ngaungc kuiuz,”
ngoz tueq ngvy taungjix muex jungx tueq.Ref 110:1 Mat 22:44; Mak 12:36; Luk 20:42-43; Kamx 2:34-35; 1Kor 15:25; Eph 1:20-22; Kol 3:1; Heb 1:13; 8:1; 10:12-13
2 Yehowa rueq mhokhvmx luimc
vkawc kuex Zion maq baung ruip saz nuex tv-phaungx taq shuex.
Vpiq rueq mnoz muex, “Mralx
htenc htauk kvyuq guimz lawc shuiuz,” ngoz tueq jungx yaq.
3 Mralx htenc kuex mnoz rueq khvt shuiux raungnuiyq kvkaq,
mmiqsaz htenc kuex miqmac thuinz maq romc khvt naungx kv-phux.
Raungnvp nuex ruk yaq buing
ikhoc m-yalxrox bix kuex mnoz httax vtuiux vsawc kanx nuex httuiuc kaz tuex.
4 “Mnoz kuex Malkhizidek ikhoc
pattup pat-sac nuex seng yaq shomc waz muex yaungx tuiux,”
ngoz tueq Yehowa rueq vtuimc bomkhvmc rvtueq,
kvruex kuex tvyez lvmz wvnc yek shuex rvmuq.Ref 110:4 Heb 5:6; 6:20; 7:17,21
5 Yehowa kuex m-yaukkeq kox nuex httax yaq;
vpiq thuinkhvy dung tuex nuex hokhvmx bix kuex rop gay shuex.
6 Vpiq rueq miqphvnx htenc muex khac phox kuq shuex nuiyc
ralx rvkhvt yaq baung nuex miq maungx htenc tvmvrc shuex;
mungkawx lotlaz wawc hokhvmx bix htenc kuex rop gay shuex.
7 Hokhvmx waz rueq lvmx hep nuex kaz yaq yuix saz ruilx wawc yuix kuex nuingx shuex,
kvkhoc piq kuex hungc vlaungc lvp wvnc yek vtueq, taungx wvnc lvmz nuex jvp tuex.