TVTSVMC 100
Mungkawx lotlaz lex, Yehowa muex shix ngoyx wuez shuinz!
Yehowa muex vkoz vkez maq nawk palx wuez shuinz;
vpiq khaungkac nuex vkoz vkez
maq shix vtueq nyuip wuez kuinz!
 
Yehowa kuex Tishox rvtueq ngoz tueq kvjungc wuez kuinz.
Vpiq kuex naungshiq tvdungc sungc jix rvtueq,
naungshiq muinz vpiq nuex seng yaq hez rvtiq;
naungshiq kuex vpiq miqsaz htenc rvtiq,
vpiq khelbuenx kung htenc rvtiq.
 
Shomc yuimx kaluix htenc nuex
kejux tvyez thuinz maq nyuip wuez kuinz,
tvtsvmc shix yaq lvmx maq vpiq yuimx wangx nuex kvnvp nyuip wvnc wuez kuinz.
Vpiq muex kejux vyungx ngoz shuinz, vpiq muex tvtsvmc wuez shuinz.
 
Yehowa kuex vhvlx rvtueq;
vpiq lungwawc kuex pattup httax yaq,Ref 100:5 1Tvts 16:34; 2Tvts 5:13; 7:3; Ezra 3:11; Tvts 106:1; 107:1; 118:1; Yer 33:11
vpiq tvmtuing kuex patshiz maq patshiz phaungx ngaungx yaq.