19
1 Vnueyc ngoc yaungc ghaqruiy kuq tueq kuex Simeon waruiuz wawc vtaungx htenc rueq lvp tueq. Kvruex ghaq hong kuex Yuda waruiuz muex vphvlx kuq mungx nuex httax yaq.
2 Lomx yaq miqghaq htenc kuex Bersheba, Sheba, Molada,Ref 19:2-8 1Tvts 4:28-33
3 Hazar Shual, Bala, Ezem,
4 Eltolad, Bethul, Horma,
5 Ziklag, Bet Markabot, Hazar Susa,
6 Bet Lebaot nuiyc Sharuhen: ghaqyungx 13 nuiyc tvroz wawc miqghaq htenc tauk lomx tueq.
7 Ekvmaq raz tueq Ain, Rimmon, Ether nuiyc Ashan: ghaqyungx bvlic nuiyc tvroz wawc miqghaq htenc tauk lomx tueq.
8 Ghaqyungx htenc kvruex tvroz wawc miqghaq htenc kuex ghaqyaz kox nuex Balat Beer (rvmuq ngoz ruiux Rama) nuex httuiuc laz lomx yaq miqghaq lotlaz rvtueq. Vruex kuex Simeon waruiuz wawc vtaungx htenc rueq guimz yaq tsuingshiq ghaq rvtueq.
9 Yuda muex vphvlx kuq ghaq kuex rax yaq htauk nuex muinz vjvnc yungx yaq ningkhvnc nuex, kvruex wawc htaq kox Simeon waruiuz muex phvlx kuq tueq.
10 Vthuimx ngoc yaungc ghaqruiy kuex Zebulun phvnx rueq lvp tueq. Tsuingshiq rueq lvp tueq ghaq kuex Sarid ghaq nuex httuiuc laz yungx yaq.
11 Kvruex ghaqruiy kuex shalx nyuip kox Mereal nuex httuiuc laz, Dababeshet nuiyc Jokneam maq shaldungc kox wawc yuix ruilx nuex tiq rvtueq.
12 Sarid kox maq raz tueq shaldungc kox Kislot Tabor nuex httuiuc laz, kvruex maq Daberat nuex httuiuc vtueq Japhia nuex duiz wvnc tueq.
13 Kvruex maq shaldungc kox Gad Hepher nuiyc Ethkazin nuex httuiuc kaz vtueq, Rimmon nuex kay juing lvmx wawc Nea ghaq kox nuex kvroz wvnc tueq.
14 Ghaqkhux kox ghaqruiy kuex Hannathon kox nuex kvroz vtueq, Ephtahel Warc nuex suip tueq.
15 Kvruex hong wawc Kattat, Nahalal, Shimron, Edala nuiyc Betlehem: ghaqyungx 12 nuiyc kvruex tvroz wawc miqghaq htenc lomx tueq.
16 Kvruex htenc kuex Zebulun phvnx wawc vtaungx htenc rueq vlvp ghaqyungx htenc nuiyc miqghaq htenc rvtueq.
17 Bvlic ngoc yaungc ghaqruiy kuex Issakar phvnx wawc vtaungx htenc rueq lvp tueq.
18 Kvruex hong nuex lomx yaq kuex Jezreel, Kesullot, Shunem,
19 Hapharaim, Shion, Anaharat,
20 Rabbit, Kishion, Ebeza,
21 Remet, Engannim, Enhadda nuiyc Betpazeza htenc rvtueq.
22 Ghaqruiy kuex Tabor, Shahazuma nuiyc Bet Shemesh htenc kuex yanz wvnc vtueq Yodan ruilx nuex suip tueq. Ghaqyungx 16 nuiyc tvroz wawc miqghaq htenc lomx tueq.
23 Kvruex htenc kuex Issakar phvnx wawc vtaungx htenc rueq vlvp ghaqyungx htenc nuiyc tvroz wawc miqghaq htenc rvtueq.
24 Bv-ngac ngoc yaungc ghaqruiy kuex Asher phvnx wawc vtaungx htenc rueq lvp tueq.
25 Kvruex hong nuex lomx yaq kuex Helkat, Hali, Beten, Akshapha,
26 Allam Melek, Amad nuiyc Mishal. Shalx nyuip kox ghaqruiy kuex Karmel nuiyc Shihor Libnat htenc nuex httuiuc laz tueq.
27 Kvruex yimaq shaldungc kox nuex kvroz ruiux Bethadagon nuex httuiuc vtueq, Zebulun nuiyc Ephtahel Warc tvnx kuex yanz wvnc ruiux, ghaqkhux kox Bethemek nuiyc Neiel nuex httuiuc tueq. Kvruex maq ghaqkhux kox nuex Kabul,
28 Ebron, Rehob, Hammon nuiyc Kana maq Sidon nuex httuiuc tueq.
29 Kvruex maq raz tueq Rama kox nuex kvroz wvnc vtueq, lung palx ruk tueq Tire ghaqyungx nuex httuiuc tueq; kvruex maq Hosa kox nuex kvroz vtueq, Svmuktvrax Mediteranean nuex suip tueq. Kvyuq lomx yaq ghaq kuex Mahalab, Achzib,
30 Umma, Aphek nuiyc Rehob: ghaqyungx 22 nuiyc kvruex tvroz wawc miqghaq htenc lomx tueq.
31 Kvruex htenc kuex Asher phvnx wawc vtaungx htenc rueq vlvp ghaqyungx htenc nuiyc kvruex tvroz wawc miqghaq htenc rvtueq.
32 Tvruk ngoc yaungc ghaqruiy kuex Naphtali phvnx wawc vtaungx htenc rueq lvp tueq.
33 Kvruex hong wawc ghaqruiy kuex Helep maq Zanannim hong wawc khauk rauk jungx maq phaungc vtueq Adaminekeb nuiyc Jamnia maq yanz wvnc vtueq Yodan ruilx nuex tvsuip tueq.
34 Ghaqruiy kuex shalx nyuip kox Aznot Tabor kox nuex kvroz wvnc vtueq Hukkuk nuex httuiuc tueq, ghaqyaz kox ghaqruiy kuex Zebulun maq, shalx nyuip kox ghaqruiy kuex Asher maq, shaldungc kox ghaqruiy kuex Yodan ruilx maq rvtueq.
35 Lung palx ruk tueq ghaqyungx htenc kuex Ziddim, Zer, Hammat, Rakkat, Kinneret,
36 Adama, Rama, Hazor,
37 Kedesh, Edrei, Enhazor,
38 Yiron, Migdalel, Horem, Bethanat nuiyc Bet Shemesh: ghaqyungx 19 nuiyc kvruex tvroz wawc miqghaq htenc rvtueq.
39 Kvruex htenc kuex Naphtali phvnx wawc vtaungx htenc rueq vlvp ghaqyungx htenc nuiyc tvroz wawc miqghaq htenc rvtueq.
40 Mvshix ngoc yaungc ghaqruiy kuex Dan phvnx wawc vtaungx htenc rueq lvp tueq.
41 Kvruex hong nuex lomx tueq kuex Zora, Eshtaol, Ershemesh,
42 Shaalbim, Aiyalon, Ethla,
43 Elon, Timna, Ekron,
44 Elteke, Gibbethon, Balat,
45 Jehud, Beneberak, Gathrimmon,
46 Mejarkon nuiyc Rakkon, Joppa tvroz wawc ghaq htenc lomx tueq.
47 Dan suiuz vsaz kuex miqmac ghaq ruinc hvlc ningkhvnc nuex Laish ghaq khvt kaz vtueq ghaq miqsaz htenc lotlaz thvt gay ruiux, kvruex ghaq kvyuq httax wuez tueq. Laish ngoz tueq ghaq muingc kuex miqmac phvnx muex vwaz muingc Dan ngoz tueq layc gay tueq.Ref 19:47 Phoc 18:27-29
48 Kvruex htenc kuex Dan phvnx wawc vtaungx htenc rueq vlvp ghaqyungx htenc nuiyc tvroz wawc miqghaq htenc rvtueq.
49 Israel miqsaz rueq mungtan kvruex wvmungx tuimx rv-phvlc lot yix, Nun saz Yoshua muex ghaqphux baungshiz kuex phvlx kuq tueq.
50 Yehowa rueq nvr tueq rulc rv-ngvlc piq rueq thoz tueq: Ephraim kanx hong wawc Timnat Sera kuex kuq tueq. Piq rueq ghaqyungx kuex tec yek vtueq httax tueq.
51 Shomc waz Eleazar, Nun saz Yoshua nuiyc Israel miqsaz phvnx walaungx bix kuex Shilo ghaq nuex Yehowa rulc rvjungc phvnc tvkoc Yehowa httax yaq Tap kaluix daungx nuex hangchacRef 19:51 hangchac maq thvl: 14:2 nuex lawc shuinz. maq vphvlx kuq ghaqruiy raungruiy rvtueq. Ekvkhoc maq mungx kuex phvlx tvlot tueq.