1 Yosep suiuz vsaz hez muex phvlx kuq tueq ghaq ghaqyaz kox ghaqruiy kuex Yodan ruilx kawx Yerikho maq shaldungc kox Yerikho yuix saz dungc maq kumtsvy tvnx nuex tiq, kvmaq Yerikho maq kuz hong nuex duiz vtueq Bethel nuex httuiuc laz. 2 Bethel maq Luza nuex tiq, kvmaq hulawx Arki miqsaz httax yaq Atarot Addar nuex httuiuc laz rvtueq. 3 Ekvmaq shalx nyuip kox Japleti miqsaz httax yaq hong kox nuex kaz vtueq, Kaq kox Bet Horon nuex tiq rvtueq. Kvmaq hulawx Gezer kuex yanz wvnc vtueq Svmuktvrax Mediteranean nuex tvsuip kaz tueq.

4 Yosep suiuz vsaz hez Ephraim phvnx nuiyc shalx nyuip Manase phvnx rueq lvp tueq mungx kuex vruex rvtueq.

5 Vruex kuex Ephraim miqsaz yuimx taungx htenc ghaq rvtueq: tsuingshiq rueq lvp wvnc tueq ghaqruiy kuex Atarot Addar maq shaldungc kox Bet Horon htauk kox nuex httuiuc laz, 6 kvruex maq Svmuktvrax Mediteranean nuex httuiuc tueq. Ghaqkhux kox nuex Mikamethat maq ghaqruiy kuex shaldungc kox Taanat Shilo nuex kvroz wvnc vtueq, Janoa shaldungc kox nuex httuiuc tueq. 7 Kvruex yimaq Janoa maq Atarot nuiyc Naara nuex httuiuc vtueq, Yerikho maq Yodan ruilx nuex tvsuip kaz tueq. 8 Kvmaq hulawx ghaqruiy kuex Tappua maq shalx nyuip kox nuex kaz wvnc vtueq, Kana ruilx nuex httuiuc tueq, Svmuktvrax Mediteranean nuex tvsuip kaz tueq. Kvruex htenc kuex Ephraim phvnx wawc vtaungx htenc rueq guimz tvlanc vlvp ghaq rvtueq, 9 Manase ghaqruiy mungx wawc Ephraim suiuz vsaz htenc muex vkuq ghaqyungx wvyvmc muinz lomx tueq. 10 Yuq muinz Gezer nuex httax yaq Kanaan miqsaz kuex tsuingshiq rueq yurc gay muq ningkhvnc nuex majuiuc raungnuiyq nuex httuiuc laz Kanaan miqsaz httax yaq, yuq muinz tsuingshiq kuex dax muex tvyaungc rvhumc yaq.Ref 16:10 Phoc 1:29