10
1 Ngaz kuex rullungx muex tselc ngalc vshaungx.
Ngvy vkhuip vkhaq kvbot nyvnx vtaungx kuex tay shuiuz.
2 Tishox lex, ngaz muex nauk phox kuq vkueq.
Ngaz muex yvmx mvrax tvgurc lac? Ngaz muex jungx kuq koq!
3 Mnoz rueq vtanc khvnc guirguenc kuex aungx yaq haz?
Mnoz rueq vtvdung sung phvnx muex yvmx ngoz tueq lac suirsac vshuiux?
Layx bac jix kvmungx htenc kuex lawc vtueq nueyx mvy yaq haz?
4 Mnoz rueq phvnx ruip saz kuex nuiyshiq rueq khiz shix ikhoc khiz vshuiux?
5 Mrullungx kuex nuiyshiq ikhoc haz tut yaq nguinx?
6 Mnoz rueq ngvy mvrax lotlaz kuex thuiyx vtueq nuiyc
ngaz yaq tauk phvnx ruip saz kuex yvmx ngoz tueq lac wisoz vshuiux?
7 Ngvy htauk nuex mvrax vguez kvmuinz,
m-yauk wawc ngaz kuex uraq muinz palc wvnc lot muq kvmuinz mnoz rueq tuiuz yaq.
8 M-yauk maq ngaz kuex tvdung vtueq vshvmx tvhungx taq phux,
majuiucRef 10:8 Mvnnuex vlayc shex wvyvmc nuex: majuiuc; Hebre maq ‘vdvmz nuex’ ngoc bomc rvtueq. kuex kvruex yauk kvmaq dvyx ngaz kuex tvbac gay vphux.
9 Mnoz rueq ngaz kuex gvmlawx wawcRef 10:9 Mvnnuex vlayc shec vshiz nuex: gvmlawx wawc; Hebre nuex gvmlawx ikhoc. tvhungx tvdung phux kuex rvwvl shuiuz;
ngaz kuex nyvt vtueq bokkhuyx muex dvyx haz tvyaungc yek phux?
10 Ngaz kuex kvguirc wvnc tvkoc iwaz muex mnoz rueq hungc vlaungc kuq toq;
mnoz rueq ngaz kuex inyuiuz wuk mungx nuex tvpez wvnc phux.
11 Ngvy shauk gvnz kuex ruk vrawz nuiyc vthaq htenc maq tvhungx ruiux,
ruk vrawz kuex vthaq vngvmx nuiyc vkhuix maq tvmvrc toq.
12 Mnoz rueq ngaz muex thuiuzthuic nuiyc phaungx ngaungx yaq
lungwawc thuinz kuex kuq phux,
mnoz rueq tuimz guimz kuy ningkhvnc nuex ngaz tvraungx vtaungx.
13 Yuq muinz majuiuc kuex vkhing ruip rawx ngaz kuex tvthuiuz sac tvkoc
vyumx maq kvmungx vshuiux lvmz kuex majuiuc ngaz rueq tuiuz yaq.
14 Vpiq rueq ngvy mvrax kuex dawc kuq muq maq tvy gay tvkoc
ngaz rueq mkaq lac mvrax yaq taungx kuex bvmc vtueq lawc wvnc phuex.
15 Ngaz mvrax yaq tauk rulc rv-ngvlc mnoz rueq ngaz tvkuilc daz phux,
yuq muinz ngaz rueq vlvmx shuimx ruiux muinz ngaz rueq htvlx phawc lvp mauk.
Ngaz kuex vkuilc vdaz nuiyc yvlc svy dvyx rvhumc vtaungx.
16 Ngaz nuex lotlaungc lvmz httax wvnc tueq nuex,
hangsic rueq ikhoc mnoz rueq ngaz kuex khuyx vtueq;
ngaz kuex tvmac tsac tvthuiuz sac tvkoc vwangc juing yauk shuimc shuimx toq.
17 Mnoz rueq ngaz muex mvrax tvgurc tvkoc hakhix wvyvmc kuex mkaq muinz lvp vshuiux;
mthuinz khvy kuex ngvy htauk nuex paung wvnc ruq dvyx rvyaq;
mnoz rueq vkhvt juing vnyalx kuex mkaq muinz kvmungx vshuiux.
18 Tishox lex, ngaz kuex yvmx ngoz tueq lac tvjawc phux?
Ngaz kuex uraq muinz ngaz max khiz nuex dvyx thueyc kay roc vshaungx.
19 Inyuiuz wuk wawc dung vtueq luip ruiuz khux nuex kaz wvnc ruiux kuex
mkaq muinz httax muq waz ikhoc vhvlx rv-khvmz tueq.
20 Ngvy rullungx kuex vhtumx wvnc shex rvmuq haz? Ngvy lauk lauk dvyx gay shec koq!
Ngaz baunglaung shiz saz kokez tvkoc ngvy lauk lauk dvyx taq shec koq.
21 Ngaz kuex mtanc httax mauk nuex kaz wvnc vtueq
mkaq muinz yek waung mauk shex, kvruex baung kuex raungnyauk nuiyc
thuinz ruinc juing mungx nuex kaz wvnc taungx,
22 kvruex mungx kuex raungnyauk,
yac khawc nuiyc rv-thuip khvt yaq mungx yaungx tueq,
vwuic muinz vnyauk yaungx wvnc tueq baung rvtueq.