12
Miq htenc rueq,
“Yehowa lex, ngaz rueq mnoz muex tvtsvmc phaungx! Mnoz kuex ngaz muex khaq vphux,
yuq muinz majuiuc kuex mnoz rueq ngaz muex tvlenc lauk
vtueq mkaq muinz khaq muq shex.
Tishox kuex ngvy palc jix waz rvtueq;
Ngaz vpiq muex tvluimc ningkhvnc nuex hiyaz mauk.
Yehowa rueq ngaz muex luimc
vkawc nuiyc hungc vlaungc kuq phuex;
vpiq kuex ngvy palc jix waz rvtueq.Ref 12:2 Dw 15:2; Tvts 118:14
Yuix vkhuing rueq khvmx svy jix muex tvkokez kuq yaq ikhoc,
vpiq rueq tsuingshiq palc wvnc tueq nuex Tishox miqsaz htenc
vkokez rvwuez tueq,” ngoz tueq shic vkhing httuiuc wvnc yaq.
 
Miq htenc rueq,
“Yehowa muex kejux vyungx! Mnoz muex romc kuy tvkoc vpiq kuex gvl shuiuz!
Vpiq rueq shuimx wvnc tueq yauk shuimc kuex miqphvnx htenc muex jungx shuiuz!
Vpiq mtanc lac yungx luz yaq nguinx kuex tsuingshiq muex jungx shuinz!
Vpiq rueq shuimx wvnc tueq yunghvlc yauk shuimc
ningkhvnc nuex Yehowa muex shix wuez kuinz.
Mungkawx lotlaz nuex thuix thaungx kvruex tvtay shuinz.
Zion nuex httax jix miq htenc kuex
guyc sez vtueq mshix ngoyx wuez kueq!
Israel muex vsawc Tishox kuex yunghvlc, vpiq kuex vpiq
miqsaz hvlwvl nuex httax naungx yaq,” ngoz tueq shic
ngoyc vkhing httuiuc wvnc yaq.