20
Tvrac Rokshiz
(Tvrac 5:1-21)
Tishox rueq vpiq kvjaz htenc jungx tueq kuex, “Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.
“Ngaz maq lvy vtueq vganc tishox kuex nauk nawk palx.
“Nuimshiq rueq raungmungx nuex, ghaq htauk nuex, ghaq khung yuix mungx nuex httax yaq phvnx phvnx shishiz rulc rv-ngvlc shvmx kuex mnoz rueq mtvkoc tvhungx mvy muq.Ref 20:4-5 Dw 34:17; Lew 19:4; 26:1; Tvrac 4:15-18; 27:15 Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.Ref 20:5-6 Dw 34:6-7; Wkh 14:18; Tvrac 7:9-10 Yuq muinz ngaz muex lungwawx jix nuiyc ngvy tvrac phvnx jix kuex vphvnx pat vmunc nuex httuiuc laz ngvy lungwawc thuinz kuex tvkhic shaungx.
“Ngvy muingc kuex khuec guez nuex shuimc mvy muq, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngvy muingc khuec guez tvyaungc jix waz muex murx tvgurc shaungx.Ref 20:7 Lew 19:12
“Vguilc Raungnuiyq kuex vsawc raungc hvlc muex tvyaungc shuinz.Ref 20:8 Dw 16:23-30; 31:12-14 Mnoz rueq raungx tvruk tup m-yauk shuimc shuimx shuiux,Ref 20:9-10 Dw 23:12; 31:15; 34:21; 35:2; Lew 23:3 10 yuq muinz raungx mvshix raungnuiyq kuex ngvy tvkoc nyec tvkuiyq guilc lekuy raungnuiyq rvtueq. Kvruex raungnuiyq kuex mnoz, msuiuz msaz hez, mdax hez, mnyvmx saz, mmungtan nuex httax jix pungnuk phvnx htenc rueq yauk shuimc mvy muq. 11 Ngaz, Yehowa rueq raungx tvruk tup ghaq, raungx, svmuktvrax nuiyc kvyuq httax yaq phvnx ruip kuex tvdung sung tauk, yuq muinz raungx mvshix raungnuiyq ngaz nyec tvkuiyq tauk. Kvkhoc rvtueq Ngaz, Yehowa rueq Vguilc Raungnuiyq ruimruimx kuq ruiux vsawc raungnuiyq tvyaungc tauk.Ref 20:11 V.V 2:1-3; Dw 31:17
12 “Ngaz rueq mnoz muex kuq phaungx mungtan kvyuq rullungx vluz httax tvkoc mnyuiuz nuiyc m-waz muex tvtsanc nganc shuiuz.Ref 20:12 Tvrac 27:16; Mat 15:4; 19:19; Mak 7:10; 10:19; Luk 18:20; Eph 6:2-3
13 “Miq thvy mvy muq.Ref 20:13: V.V 9:6; Lew 24:17; Mat 5:21; 19:18; Mak 10:19; Luk 18:20; Rom 13:9; Yak 2:11
14 “Miqjuik miqwaz rulc yaq mvy muq.Ref 20:14 Lew 20:10; Mat 5:27; 19:18; Mak 10:19; Luk 18:20; Rom 13:9; Yak 2:11
15  “Vguiuq mvy muq.Ref 20:15 Lew 19:11; Mat 19:18; Mak 10:19; Luk 18:20; Rom 13:9
16 “Miq vshiz shiz muex tvyaq vtueq, hakhix khvmc mvy muq.Ref 20:16 Dw 23:1; Mat 19:18; Mak 10:19; Luk 18:20
17 “Mhttoarc mphaungx jix yuimx muex nauk rvnphvnx kaz; vjuik, vdax, vsuiux vmanx, loze, rvmuq ngoz ruiux piq nuex httax yaq phvnx ruip saz kvmac rvnphvnx mvy muq,” ngoz tueq jungx tueq.Ref 20:17 Rom 7:7; 13:9
Miq htenc Hiyaz tueq
(Tvrac 5:22-33)
18 Miq htenc rueq raungmuk tvruingc, bolic thuic nuiyc raunglep, kanx maq wvr khuiuq dung yaq htenc kuex khiz tay vtueq, tsuingshiq kuex vluz nuex jvp ruiux hiyaz kvkhuirc wuez tueq.Ref 20:18-19 Heb 12:18-19 19 Tsuingshiq rueq Moshe muex ngoc, “Mnoz rueq dvyx nuiyshiq muex tvlvy jungx kuq koq; nuiyshiq rueq tay wuez shix; Tishox rueq nuiyshiq muex tiq jungx kuq ruiux kuex, nuiyshiq vthueyc muex hiz vtix,” ngoz tueq jungx tueq.
20 Moshe rueq, “Nauk hiyaz kaz; nuimshiq kuex talc lawc muinz, nuimshiq rueq mvrax yaq muit maq vpiq kvjaz phvnx tvkoc muinz, Tishox kuex httuiuc kaz tueq,” ngoz tueq jungx tueq. 21 Yuq muinz miq htenc kuex loayc hvlc nuex dvyx jvp wuez tueq, Moshe dvyx Tishox httax yaq phuemx nyauk daungx hep kvyuq kaz tueq.
Shomrawx Tvrac htenc
22 Yehowa rueq Moshe maq raz tueq Israel miqsaz muex vkhoc jungx kuq tueq; “Ngaz, Yehowa rueq raungmungx maq jungx phaungx kvjaz kuex nuimshiq rueq tay tuit shex. 23 Nuimshiq rueq ngaz maq lvy vtueq kuimphox, rvmuq ngoz ruiux kuimshawx maq tishox htenc yac kuex tvhungx mvy muq, nuimshiq rueq ngaz vruex dvyx nawk palx rax. 24 Ngvy tvkoc shomrawx kuex ghaq wawc tvhungx shuinz, kvruex htauk kvyuq shomc kuy tvkoc mkhelbuenx nuiyc manx htenc kuex vpumz maq jauk vtueq shomc nawk kuy nuiyc lux rvyaungc shomc nawk kuy rax. Ngaz muex nawk palx kuy tvkoc tvhungx shuinx baung htenc kvyuq ngaz kaz vtueq, nuimshiq muex ruimrix kuq phaungx. 25 Nuimhez rueq ngvy tvkoc lung shomrawx tvhungx ruiux yuq, vsawk vruez lung maq nauk tvhungx kaz, vsawk tvraz vruez lung maq vguirx khuec nuex kvruex kuex ngvy tvkoc shuimc muex aungx muq.Ref 20:25 Tvrac 27:5-7; Yosh 8:31 26 Ngvy tvkoc shomrawx kuex hikhux nauk tvhungx kaz; mkhoc shoc maq mnoz rueq hikhux tvhungx ruiux yuq, shomrawx nuex duiz tuinx kvkaq miqmac pumz yvlc svy juing kvkhic kaz tuex.