ZEFANIAH
Zephaniah
1
Judah siangpahrang Amon fapa Josiah chan ah Zefaniah sinah Pathian bia a phanmi cu hihi a si. Zefaniah cu Kushi fapa a si, Kushi cu Gedaliah fapa a si, Gedaliah cu Amariah fapa a si, Amariah cu Hezekiah fapa a si. Ref 1.1: 2Sia 22.1§23.30; 2Cha 34.1§35.27
Judah le A Pawngkam Ram Hna Rawhnak Kong
Vawlei cung i a ummi thil vialte cu
thiang tein ka phiah hna lai, tiah
Bawipa nih a ti.
Minung he saram he ka phiah hna lai,
Van i a zuangmi va hna le rili chung i
a ummi nga hna cu ka phiah hna lai.
Miòhalo cu ka hrawh hna lai i
minung cu vawlei cungin
ka hloh lai, ti hi
Bawipa bia hrimhrim a si.
 
Judah ram cungah le Jerusalem khua
chung i a ummi vialte hna cungah
khan ka kut ka samh lai;
Baal biaknak thil a tang rihmi kha
a hmanung bik tiangin
ka hrawh lai,
An siasal tlangbawi hna min
zong kha,
hi hmun hin ka hloh hna lai;
Annih nih vancung thil biak awkah
khan inncung ah an kun tawn i
Milkom khuazing min in chiat
an ser tawn;
Bawipa kha hnulei an chit i
Bawipa kha an kawl lo i
ruahnak an hal lo.
 
Bawipa ni cu a nai caah
Bawipa hmaiah dai tein um u!
Bawipa nih raithawinak kha
a timh cang i a sawmmi hna cu
a thianter cang hna.
Bawipa raithawinak ni ah cun,
Siangpahrang innchungkhar hna le
cu innchungkhar chung i bawi upa
bikbik hna le ramdangmi thuam
aa cawnmi vialte hna cu dan
ka tat hna lai.
Khi ni ah cun an bawipa biakinn
tual i a lammi vialte kha
dan ka tat hna lai i
an bawipa inn zaang-ennak,
òhat lonak le hlennak in
a khahtertu vialte hna cu
dan ka tat fawn hna lai.
10 Khi ni ah Jerusalem i Nga Kutka timi in
au thawng kha a rung thang lai i
Sang Hnihnak in òah thawng kha
a thang lai;
Thawng fakpi kha tlang cungin
a rung thang lai;
11 Cun khua taw i a ummi hna cu
an òap an kiao lai,
zeicahtiah chawlet chawhrawl
vialte cu an dih cang i
ngun in chaw aa caw aa zuarhmi
vialte hna kha an lo cang,
tiah Bawipa nih a ti.
 
12 Khi caan ah Jerusalem cu
meiinn he ka kawl lai i
an zu ne a rak ri i a rak i òhutpi ko i,
“ Bawipa nih cun
a òha zong a chia zong zeihmanh
a tuah lai lo,” tiah a timi hna kha
dan ka tat hna lai.
13 An chawva vialte kha
ramhpiak an si lai i
an inn cu hrawhpiak an si lai;
Inn cu an sak hna lai,
sihmanhsehlaw
an umnak hna lai lo,
mitsur dum cu an ser hna lai,
sihmanhsehlaw mitsur hang cu
an ding lai lo.
Bawipa Ni
14  Bawipa ni a liannganmi cu
a nai cang, khulrang in a ra lio;
Cu ni a thawngpang cu a khaat in
a kha, ralkap ralòha bik hmanh
lungdong in an au.
15 Cu ni cu thinhunnak ni a si,
cu ni cu vansang-auhnak le
hremnak ni a si,
cu ni cu rawhnak le ralnak ni a si,
cu ni cu muihnak le khuachiat ni a si,
cu ni cu khuadawm le minmei
zelh ni a si,
16 cu ni cu kulhmi khua hna le ralhau
sang pipi cung i muko thawng le
raltuknak au thawng theih ni a si.
17  Bawipa nih,
“Minung cungah a fakmi harnak kha
ka tlunter lai;
Bawipa cung i
an sual ruangah khan
mitcaw bantukin an i chawk lai.
An thi cu ti bantukin thlet a si lai i
an ruak zong ek bantukin hlonh
a si lai,” a ti.
18 Annih khamhnak caah
an ngun siseh, an sui siseh,
zeihmanh an òhahnem lai lo.
Bawipa thinhun ni ah cun Bawipa
nih khan cu ram cu a ning piin
a nahchuahnak mei in
a khangh dih lai i cu ram chung i
a ummi vialte hna cu
khulrang tein an donghnak kha
a phakter hna lai.