9
Judah Nih A Ral A Tei Hna
1 Hihi Bawipa bia a si. Hadrak ram le Damaskas khua dantatnak caah Bawipa chimmi bia a si.
Israel mi lawng si loin
Siria khuapi bik
Damaskas zong Bawipa ta a si, Ref 9.1: Isa 17.1-3; Jer 49.23-27; Amo 1.3-5 Ref 9.1-4: Isa 23.1-18; Eze 26.1§28.26; Joe 3.4-8; Amo 1.9-10; Mat 11.21-22; Luk 10.13-14
2 Hadrak ramri i a ummi Hamath khua
zong amah ta a si;
Tair le Sidon zong,
an zungthiamnak vialte he
amah ta an si.
3 Tair nih ralhruang kha aa ser
hna i
Ngun le sui kha tam tuk
a hman hna caah
lung tekem bantuk men an si.
4 Asinain Bawipa nih
a ngeihmi vialte kha a lakpiak dih lai.
A chawhlawn kha rili ah a paih
hna lai i a khuapi kha
mei in a khangh lai.
5 Ashkelon nih hmu seh law òih seh;
Gaza cu a thinphan tuk ah
a ngerh in i ngerh seh;
Ekron nih aa ruahchannak cu
a mit lai.
Gaza in siangpahrang hna kha
an lo lai i
Ashkelon cu mi an òhing lai. Ref 9.5-7: Isa 14.29-31; Jer 47.1-7; Eze 25.15-17; Joe 3.4-8; Amo 1.6-8; Zef 2.4-7
6 Ashdod ah cun kahpia pawl
an um lai i
Filistin porhlawtnak cu
ka phawi lai.
7 Sa cu a chung thisen he
an ei lai lo.
Fih a nungmi rawl dang zong
an ei lai lo.
Cun cu mi hna lakin a tangmi cu
kan Pathian ta ah
an i cang lai i,
Judah chung phun khat an si lai.
Jebus mi hna an rak si bang khan
Ekron cu ka mi hna chung
bu khat an si lai.
8 Ka ram cu ka ven lai i
a chungin ralkap kha
ka kalter hna lai lo,
Cun mi hrem hmangmi hna kha
ka mi cu hrem ka sianh ti
hna lai lo.
Ka mi hna nih nganfahnak
an in kha ka mit hrimhrim in
ka hmuh cang.
Hmailei Siangpahrang
9 I lawm tuah, i lawm tuah,
Zion fanu,
Fak piin au tuah, Jerusalem fanu,
Zeicahtiah zohhmanh
na siangpahrang cu na sinah
a ra lio,
Amah cu teitu a si,
teinak cu amah ta a si,
Toidor tein laa cungin,
laa fa note cungah i cit in a ra. Ref 9.9: Mat 21.5; Jhn 12.15
10 Efraim in rangleng kha
a dawi dih hna lai i
Jerusalem in raltuknak rangtum
kha a dawi dih hna lai;
Ralkap likuk kha hlonh dih an si lai.
Miphun kip sinah khan
daihnak in bia a chim lai i
A pennak cu rili in rili tiang
a phan lai.
Zufrates tiva in vanhramdeng tiang
a phan lai. Ref 9.10: Slm 72.8
11 Nang tu cu, ka sin i bia naa kamnak,
thisen in na fehtermi
na biakamnak thawng khan,
vawlei tang ti um lonak
khor chungin na thongtla hna cu
ka chuah hna lai. Ref 9.11: Exo 24.8
12 Ruahchannak he a hngak komi
thongtla hna,
ralhruang chungah cun ra kir òhan u.
Nannih kha phun hnih in kan cham
hna lai ni cu atu hi thanh a si cang.
13 Zeicahtiah ka likuk cu a za
ka sih cang, maw Judah,
A thal kha ka hmanh cang,
maw Efraim;
Na fapa hna kha ka òhangh cang hna,
maw Zion,
Ralkap vainam ah kan ser cang hna.
14 Bawipa cu an cungah a lang lai i
A thal cu nimtlau bangin aa lek lai;
Bawipa Pathian nih muko kha
a tum lai i
Thlanglei òotho he khan an kal òi lai.
15 Ralkapbu Bawipa cu
an phaw a si lai;
Annih nih an ral kha an tei hna lai,
lung herh chehnak lung kha
an lamh hna lai;
Zuri bantukin an au cukmak lai i
kheng bantukin an khat lai i
biakòheng kil bantukin
cin cikcek in an um lai.
16 Cucaah cu ni ah cun Bawipa an
Pathian nih a mi cu tuu bantukin
a khamh hna lai.
A ram chungah khan an dihlak in
a chiah hna lai i
Bawiluchin cung i tleu seh tiah
an chiahmi lungvar bantukin
17 An rumnak cu zeitluk in
a rummi dah a si,
an i dawhnak cu zeitluk in
aa dawhmi dah a si!
Rawl nih tlangval cu an thazang
a òhawnter hna lai i
Mitsur hang thlum nih ngaknu
au a òhawnter hna lai.