4
Meiinn Tung Langhnak
1 Bia a ka ruahtu vancungmi kha a ra kir òhan i i hngilhnak i vun hlauh bantuk khin a ka hlauh.
2 “Zeidah na hmuh?” tiah a ka hal i, “Sui in sermi meiinn tung pakhat,” ka ti. “Cu meiinn tung cu a lu ah chiti chiahnak kheng pakhat a um. Cun meiinn tung ah cun meiinn pasarih an um i pakhat nih meica pasarih cio an ngei.
3 Meiinn tung pawngah cun kam khat ah pakhat veve in oliv kung pahnih an um. Ref 4.3: Biat 11.4
4 Cun vancungmi cu, “Hi thil hna hi an sullam zeidah a si, bawipa?” tiah ka ti.
5 Cun a ka leh i, “Na hngal lo maw? a ka ti i, “Ka hngal lo, bawipa,” ka ti.
10 Vancungmi nih cun, “Meiinn pasarih hna cu vawlei vialte a zoh dihtu Bawipa mit pasarih an si,” tiah a ti.b cang 10b-14 tiang cu cang 5-6 karlak ah chiah a si. Ref 4.10: Biat 5.6
11 Cun ka hal òhan i, “Meiinn tung kap veve i a ummi oliv kung pahnih hna hi tah zeidah an sullam a si?” ka ti. Ref 4.11: Biat 11.4
12 Cun oliv nge pahnih, oliv chiti toihnak peeng pahnih hna pawng i a ummi hna hi tah zeidah an sullam a si?” ka ti.
13 “Na hngal lo maw?” tiah a ka hal. “Ka hngal lo, bawipa,” tiah ka leh.
14 Cun a ka thawh i, “Vawlei dihlak Bawipa a simi Pathian nih a thimmi hna pahnih an si,” tiah a ti.
Zerubbabel Sin Biakam
6 Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap òhawnnak in a si lai lo, nangmah òhawnnak zongin a si lai lo, ka thlarau tu in a si lai. Ref 4.6: Ezr 5.2
7 Dawntu, tlang tia pipi kha na hmai in an lo lai. Biakinn cu na sak òhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.
8 Bawipa sinin bia dang pakhat a ra òhan:
9 Zerubbabel nih Biakinn hram cu a bunh cang. Mah hihi a si tikah ka mi hna nih an sinah nangmah aan thlahtu cu keimah ka si kha an hngalh lai.
10 Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.