10
Judah le Israel An Òha Òhan Lai
1 Bawipa cu fur caan ah
ruah hal u law
òhal caan ah ruah hal tuah u,
Òotho khuadawm a sertu Bawipa nih
nannih cu ruah kha an pek hna lai i
Nan lo cio ah ramhring kha
an pek hna lai;
2 Innchungkhar khuazing hna nih cun
pakpalawng biakamnak kha
an chim i,
Litinthiam hna nih cun ahmaan lomi
hmelchunhnak kha an hmuh,
Mangihthiam minu hna nih khan
hlennak mang an manh i
pakpalawng bia kha an chim.
Mi cu tuu bantukin an vak,
tuukhal a um lo caah
harnak kha an in.
3 Tuukhal hna cungah cun
ka thin a hung,
tuurun a hruitu hna cungah cun
ka dantatnak kha ka tlunter lai;
Sihmanhsehlaw ralkapbu
Bawipa nih a tuurun,
Judah innchungkhar kha
a len hna lai i raltuknak
rangtum ah a ser hna lai.
4 Annih cu innkil lung le thlam
hrennak khenhfial an si lai,
Annih cu raltuk awk i timh cia in
a ummi likuk an si lai,
Haotu paohpaoh cu anmah chungin
a chuakmi an si lai.
5 Annih cu ralkap bantuk an si lai i
raltuk hmun lam cet lak i
aa nang lenmi bantuk an si lai;
Bawipa cu an sinah
a um caah an ral kha
an tuk hna lai i
Rangcung ralkap hna kha
ningzak in an hloh hna lai.
6 Judah innchungkhar cu òhawnnak
ka pek hna lai i
Josef innchungkhar cu teinak
ka pek hna lai;
Annih cu ka zaangfah hna caah
ka kirpi òhan hna lai i,
Rak hlonh bal hna hlah ning law,
cu bantuk cu an si lai;
Zeicahtiah keimah cu
Bawipa an Pathian ka si i
an ka halnak cu ka leh hna lai.
7 Cucaah Efraim mi cu
ralkap bantuk an si lai,
Mitsur hang a ding i aa lawmmi
bantuk an si lai,
An fapa hna nih cun an hmuh lai i
an i lawm lai;
Cucaah an lung cu Bawipa ah
i lawm ko seh.
8 Annih cu ka tlanh cang hna caah
fifik in ka kawh hna lai i,
Hlan lio i an rak tam bantuk khan
an tam òhan lai.
9 Miphun dangdang hna sinah
ka òhek hna,
Asinain ram hlapi ah cun
an ka hngalh òhiamòhiam ko lai i
An fale kha an cawm hna lai i
an ra kir lai.
10 Khi tikah Izipt ram in ka lak hna lai i
Assiria ram in ka pumh hna lai;
Gilead ram le Lebanon ah
ka luhpi hna lai,
an ca i hmun a um ti lo tiangin.
11 Zufrates tiva cungah
a fakmi harnak a tlung lai i
a òhawngmi a ti kha a tuk hna lai;
Nail tiva a thuhnak vialte cu
an kao dih lai.
Assiria ruamkainak cu
òhumh a si lai i
Izipt bawifung cu a lo lai;
12 Sihmanhsehlaw Israel òhawnnak cu
Bawipa chungah a si lai i
A min in sunglawi ngaiin an kal lai.
Mah hihi Bawipa bia hrimhrim a si.