ZEKHARIAH
Zechariah
1. Dal 1 in 8 tiang, hika ah hin profet Zekhariah nih BC 520 le 518 kar i a chimmi bia kha an um. Hi bia hi langhnak in hmuhmi an si bik i Jerusalem remh òhannak ding kong le Biakinn sak òhannak ding le Pathian mi an i thianhnak ding le Messiah pennak a rat lainak kong kha an si.
2. Dal 9 in 14 tiang, hika ah hin, cu hnu deuh chimmi bia an um i an i ruahchanmi Messiah kong le donghnak biaceihnak kong an si.
1
Zekhariah Kha Pathian Nih Rian A Fial
Siangpahrang Darius a bawi kum hnih kum, thla riat thla ah, Bawipa bia cu profet Zekhariah sinah a phan; Zekhariah cu Berekhiah fapa a si, Berekhiah cu lddo fapa a si: Ref 1.1: Ezr 4.24§5.1; 6.14 2-3 Cu bia cu, Bawipa cu nan pupa hna cungah a thin a hung ngaingai, ti a si. Mizapi cu chim hna law, mah hihi Bawipa bia a si tiah ti hna: “Ka sinah ra kir u law nan sinah ka ra kir òhan ve lai, tiah ralkapbu Bawipa nih a ti. Nan pupa hna bantuk kha si hlah u. Hlanlio profet hna nih, ‘Mah hihi Bawipa bia a si: Nan ziaza òhalo le nan tuahmi thilòhalo khan i mer u,’ an rak ti hna. Sihmanhsehlaw ka bia an ngai lo i zei ah an ka rel fawn lo, tiah Bawipa nih a ti. Atu ah tah nan pupa hna cu khuazei ah dah an um kun? Profet hna cu tah a zungzal in an nung maw? Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.
Langhnak Pariat le An Sullam
Darius a bawi kum hnihnak, thla hleikhat thla, Shebat timi thla, a ni 24 ni ah, Bawipa bia cu profet Zekhariah sinah khan a phan: Zekhariah cu Berekhiah fapa a si, Berekhiah cu Iddo fapa a si.
Zahan ah langhnak pakhat ka hmuh. Kuar pakhat ah hin mipa pakhat ka hmuh i cu pa cu lenhmui thingkung lakah a dir i rangtum sen aa cit; cun a hnuah cun rang dang a sen le a pawl le a raang kha an um. Ref 1.8: Biat 6.2-8 “Mah hihi zei dah an si, bawipa?” tiah ka ti i bia a ka ruahtu vancungmi nih khan a ka leh i, “Zeidah an si kha kan hmuhsak lai,” a ka ti. 10 Cun lenhmui kung lak i a dirmipa nih cun a ka thawh i, “Annih cu vawlei cung vialte cul dih awkah Bawipa nih a thlahmi an si,” tiah a ti. 11  Bawipa vancungmi sinah cun, lenhmui lak i a dir lioah khan an va kal i, “Vawleicung cu kan cul dih; vawlei cu daite le hnangam tein a um ko,” an ti. 12 Khi tikah Bawipa vancungmi nih cun aa thawh i, “Maw ralkapbu Bawipa, hi kum 70 chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti. 13 Khi tikah Bawipa nih a ka chawntu vancungmi sinah cun bianem le hnemhnak bia a chim i vancungmi nih cun a ka thawh i, 14 Va thanh tuah, hihi Bawipa bia a si: Jerusalem le Zion hi ka ham ngaingai hna; 15 sihmanhsehlaw zaang awl ngaiin a um komi miphun hna an cungah hin ka thin a hung, zeicahtiah ka thinhunnak cu a nemte a si ko lioah khan, annih nih òhat lonak kha pakhat hnu pakhat an chap chin lengmang. 16 Cucaah mah hihi Bawipa bia a si: Jerusalem cu zaangfahnak he ka kirhnawh òhan cang i a chungah ka inn kha sak a si òhan lai, tahnak hri in tah a si òhan lai, tiah Bawipa nih a ti. 17 Ralkapbu Bawipa bia cu mah hihi a si kha voi khat in chim òhan rih tuah: Ka khuapi hna cu thil òhaòha in an khat òhan lai; Zion cu Bawipa nih a hnemh òhan lai, Jerusalem cu aa thimmi khua ah a ser òhan lai.
18-19 Cunglei kha ka hun zoh i ki pali kha ka hmuh hna. A ka chawntu vancungmi kha hi ki pali cu zeidah an sullam a si, tiah ka hal i, “Judah le Jerusalem a òhiotu ki an si,” tiah a ka leh. 20 Cun Bawipa nih soser pali a ka hmuhsak. 21 Annih cu zei tuah awkah dah an rat ti kha ka hal i, “Khi ki hna nih khin Judah le Jerusalem cu òhalo tuk in an òhio hna caah ahohmanh nih an lu an tung kho ti lo. Sihmanhsehlaw hi soser pali hna nih hin annih cu an fonh òhan hna lai i Judah ram le a chung i a ummi minung a dohtu hna miphun hna ki kha an hlonh hna lai, cu tuah awkah cun an ra,” tiah a ti.