3
1 Uktu hna le nawlngeitu hna bia ngaih awk le nawl zulmi si awk le rianòha òuan awkah timhcia in um awk;
2 aho òhat lonak hmanh chim lo awk le sikòhiatnak hrial awk le nunnemnak le mi vialte cungah toidorte i um awk kha chim òhan lengmang hna.
3 Hlan ah cun kanmah zong hi kan hrut, nawl kan ngai lo, kan rak pial, pumsa duhnak le nuamhnak nih an rak kan sal, nahchuahnak le ziarngeihnak in kan khat i mi nih an kan huat, pakhat le pakhat kan i hua;
4 sihmanhsehlaw kan khamhtu Pathian òhatnak le zaangfah dawtnak a langh tikah,
5 dinnak in òhatnak kan tuah ruangah si loin amah zaangfahnak ruang tu ah a kan khamh; hrin nolh awkah ti in tlenghnak le Thiang Thlarau in tharchuahnak a kan pek.
6 Cu thlarau cun a kan Khamhtu Jesuh Khrih thawngin kan cungah tampi in a kan toih.
7 Cucu a vel in thiam coh kan si nakhnga le nuncanghmunhnak ruahchannak in rocotu ah kan can nakhnga caah a si.
8 Cucu bia ngai a si ko.
Pathian a zummi hna nih cun rianòha òuan duhnak lungthin an ngeih khawh nakhnga hi thil hna hi bia pipa ngai ah chia law ti kan duh, cucu a òha bikmi a si i aho ca paoh ah santlaimi a si.
9 Sihmanhsehlaw hruh alhnialnak, hrih le hram kherhlainak, phung kong ah i al len kha hrial hna, òhathnemnak le santlaihnak an ngei lo.
10 I òhen cheunak a chuahtertu cu voi khat voi hnih cu chimhring law pehzulh duh len ti hlah.
11 Cu bantuk mi cu lungkhoh òha lo le a sualmi a si i amah lila aa hlawmi a si, ti kha nan hngalh.
12 Artemas maw Taikhikas dik na sin i ka rak thlah cangka in nang tu cu Nikopolis khua ah ra ka fuk tuan ko; zeitintiah khuasik chung vialte cuka ah cun um kaa tim.
13 Phung thiam Zenas le Apollo hna kha an khual tlawnnak ah an chambau lo nakhnga a si khawh chungin rak bawm hna.
14 Kan mi hna kha rianòha cawn awkah i pumpe hna seh law herhpang paoh ah bawm hna seh, santlailo si hna hlah seh.
15 Ka sin i a ummi vialte hna nih a lang in na kut an in tlaih. Zumhnak ah a kan dawmi hna zong an kut ka tlaih hna. Nan dihlak cungah velngeihnak um ko seh.