2
Zumhnak Dik Cawnpiak Awk
1 Sihmanhsehlaw nang tu cu zumhmi hman kha cawnpiak hna.
2 Patar upa kha fimhrin te le i biatak ngai le lungrep keng le zumhnak hman le dawtnak le lungsaumi si dingin forh hna.
3 Nutar hna zong hmaizah tlak ziaza, mi congoih hmang lo le zu din lo awkah forh hna; a òhami cawnpiak le
4 nutung no hna kha an vale an fale dawt awk le
5 lungrep keng, zuanzam lonak, khuasak tintuk thiamnak le zawnruah thiamnak le vale nawlngaih te hna cawnpiak hna law Pathian bia cu an soisel kho hnga lo.
6 Cu bantuk òhiamòhiam cun tlangval deuh zong i sum deuh awkah fial hna.
7 Nangmah hrimhrim kha thilòha tuahnak paoh ah zohchunh tlak in um law na cawnpiaknak hna ah hmaizah tlak le i biatak tein um i zuam.
8 Soi awk um lo hmurka òha hmang law an dodittu nih kan cungah chim sualnak zeihmanh a ngei lai lo i a ning tu a zak lehlam lai.
9 Sal hna zong zei lei paoh ah an bawile nawlngaih le lungton fial hna, bia leh an hman awk a si lo.
10 A thlithup in an fir hna awk a si lo, zeizong kong ah zumhtlak in um i kan khamhtu Pathian kan zumhning an dawhter awk tu a si.
11 Zeitintiah Pathian vel cu mi vialte khamhnak caah a lang;
12 cu nih cun Pathian zeirel lonak le vawlei pumsa duhnak hlawt awk a kan cawnpiak i lungfimte le dingte le hi vawlei i Pathian duhning nunnak a kan cawnpiak.
13 A liannganmi kan Pathian le kan Khamhtu Jesuh Khrih sunparnak he a langh te lainak, a sungmi ruahchannak kha kan hngak.
14 Òhat lonak vialte in a kan tlanh awk le rian òha òuan a duhmi si i amah mi si awkin amah ca i thianter awkah kan caah amah tein aa pe.
15 Hi thil vialte hna hi thanh chin hna, nawlngei ngaiin chimhring hna law forh hna. Ahohmanh nih in thlanglamh hna hlah seh.