4
Pathian hmai le minung le mithi biaceihtu ding Bawipa Jesuh Khrih hmai le a langh lainak le a pennak cherhchan in kan theihter. Bia cu phuang law a caan a si zong si lo zongah teltep ngai le lungsau tein an hngalh lo zia kha hngalhter in chimhring in forh hna law cawnpiak hna. Zeitintiah mi nih cawnpiaknak òha a in khawh lo caan a phan lai; an hna a zawt caah anmah duhning cawnpiaktu lawng an khawmh hna lai. Biatak ngaih kha an mertak lai i tuanbia phuahchommi ngaihnak ah an vakvai lai. Nang tu cu zeipaoh ah i fimkan in harnak cu ing ko. Thawngòha kha aupi law Pathian rian kha tlamtling tein òuan ko.
Zeitintiah kei cu thawinak ah chanh ka si dengmang i ka kal caan a phan cang. Zuamnak kha cu ka tlinh cang i tlik zuamnak cu ka lim cang, zumhnak zong ka tlinh cang. Dinnak bawi luchin cu ka caah chiahpiak ka si, cucu a dingmi biaceihtu ka Bawipa nih cu Ni ah cun a ka pek lai, keimah lawng si loin a langhnak a tlaihchan tawnmi hna sin zongah pek a si lai.
Ka sin i rat tuan awk kha a si khawh chungin rak i zuam. 10 Zeitintiah atu lio vawlei thil duh ah Demas nih a ka kal tak i Thesalonika ah a kal cang. Kresen cu Galati ah a kal i Titas cu Dalmasia ah a kal ve. 11 Luka lawng ka sinah a um. Mark kha na sinah ratpi te, zeitintiah keimah bultawl ah a òhahnem ngaingai. 12 Taikhikas cu Efesa ah ka hei thlah. 13 Na rat tikah Troas i Carpas sinah ka kal takmi ka angki fualpi le cauk hna kha le abikin cazual kha rak ka phorh te hna. 14 Dar certhiam Alekzandar nih ka cungah fahnak tampi a ka pek; Bawipa nih a tuahning tuak in a cham te lai. 15 Nangmah zong kha pa kha i ralring, zeitintiah kan phung chimmi kha fak piin a doh. 16 Kaa runvennak ka chim hmasa bik ah khan ahohmanh keimah leiah an òang lo, an dihlak in an ka zam tak cang. Cu ruangah cun sualphawt si hngin hna hlah seh! 17 Sihmanhsehlaw Bawipa nih a ka dirkamh i, Jentail vialte nih an theih nakhnga tlamtling tein phungchim awkah thazang a ka pek, cucaah chiandeih kaa in chuah ka si. 18 Bawipa nih cun òhat lonak vialte in a ka luatter lai i a van pennak caah cun a ka khamh ko lai. A sunparnak cu a sinah a zungzal in a zungzal tiang um ko seh. Amen.
19 Prisilla le Aquila le Onesiforas chungkhar hna kha an kut rak ka tlaihpiak hna. 20 Erastas cu Korin khua ah a tang i Trofimas cu a zaw i Miletas ah ka kaltak. 21 Khuasik hlanah rat rak i zuam hranhram. Eubulas, Pudens, Linas le Claudia le unau vialte hna nih a lang in na kut an in tlaih.
22 Bawipa cu na thlarau sinah um ko seh. Velngeihnak na sinah um ko seh.