TIMOTE
Sinah Paul Cakuat Pahnihnak
1
Upat Biakchawnhnak
1 Khrih ah nunnak kamhmi phuan awkah Pathian duhnak in Khrih lamkaltu keimah Paul nih, ka dawtmi Timote sinah ca kan kuat.
2 Pathian kan Pa le Jesuh Khrih kan Bawipa sinin vel le zaangfahnak le daihnak na cungah um ko seh.
3 Kan pupa hna ti tawn bantukin chia le òha thleidannak lung thiang tein ka bultawlmi Pathian sinah ka thlacam fa tein kan hngalh peng i lunglawmhnak ka chim.
4 Na mitthli tlak zong ka hngalh i, lunglawmhnak in ka khah nakhnga a chun a zan in hmuh kan duh hringhran.
5 Na zumh taktak ning kha ka hngalh peng ko. A hmasa ah na pi Lois le na ni Unis hna chungah a hmanmi zumhnak kha atu nangmah chung zongah a hmun ko lai tiah ka hngalh.
6 Cucaah cun na cung i ka kut ka chuannak in Pathian laksawng na cohlanmi kha alh hliahmah in na chem peng awk kha chimh òhan kan duh.
7 Zeitintiah Pathian nih a kan pekmi cu a òihòanhmi thlarau a si lo, òhawnnak le dawtnak le i sum khawhnak thlarau a si.
8 Kan Bawipa kong chim cu i zahpi hlah, ka thongtlak zong hi rak ka zahpi hlah, sihmanhsehlaw Pathian òhawnnak in thawngòha ca i temhin hrawm kha ngamh lehlam.
9 Kan tuarmi ruangah si loin amah tumtahmi a si caah a vel in a kan khahter i thiangte i nun awkah a kan auh. Khrih Jesuh nih cun vawlei hramthawk hlan khan a vel cu a rak kan pek cang.
10 Cucu atu ah hin a kan khamhtu Jesuh Khrih a rung langhnak thawngin phuan a si. Amah nih thihnak cu a hloh i thawngòha in nunnak le thih lonak a langhter.
11 Hi thawngòha caah hin phungchimtu le lamkaltu le cawnpiaktu ah a ka thiah.
12 Cucaah cun hiti ka temhinnak hi a si, sihmanhsehlaw ka ning a zak lo, zeitintiah ka zumhmipa cu ka hngalh i a ka kentermi cu, cu ni tiang cun him tein a kilven khawh lai ti ka hngalh.
13 Keimah sinin na hmuhmi cawnpiaknak òha kha zul law Khrih Jesuh zumhnak le dawtnak nunning ah hin um peng ko.
14 Na chungah a hmunmi Thiang Thlarau kentermi biatak kha òha tein kilveng ko.
15 Asia ram i a ummi vialte nih an ka hnuchit dih ti na hngalh. Figelas le Hermogenes hna hmanh an i tel.
16 Onesiforas nih voi tampi ka lung a ka lawmhter i thongtla ka si hi a ka zahpi lo. Bawipa nih a innchungkhar hna he zaangfah ko hna seh.
17 Rom a rak phanh cangka thanuam ngaiin a ka kawl i a ka hmuh.
18 Efesa khua ah a ka bawmhnak kha fiang tein na hngalh. Cu Ni ah cun Bawipa nih Bawipa zaangfahnak kha pe hranhram ko seh.