2
A hmasa bik ah kan cah duhmi cu nawlnak, thlacamnak, midang ca hal piaknak le lunglawmh chimhnak te hna hi mi vialte caah tuah law, Pathian duhnak le upat awkin daite i kan um khawh nakhnga siangpahrang le nawlngeitu hna caah thlacampiak hna; cucu a kan khamhtu Pathian hmuh ah thil òha le duhnung a si. Mi vialte khamh awk le biatak hngalhter kha a duhmi a si. Zeitintiah Pathian pakhat lawng a um i Pathian le minung karah lamkaltu pakhat lawng a um i cucu minung Jesuh Khrih a si. Mi vialte tlanh awkah amah aa pe i cu kong cu a caan te ah a langhter. Cucaah cun kei hi Jentail hna sinah zumhnak le biatak phungchimtu le lamkaltu ah thiah ka si. (Biatakte ka chim, ka lih lo).
Hmunkip ah pa nih thinhung lo le sikòhiat bu si loin kut thianghlir in thla an cam ka duh. Nu hna zong aa dawh tawk le an i tlakning in i thuam hna seh law sam a hleihluat òamh lo le sui le tikep lungvar òhi le man fak tuk thilpuan i hruk hna hlah seh. 10 Biaknak ah aa pemi nu hna nih an ti khan tuak in òuannak òha tu khan i thuam deuh hna seh. 11 Nu nih cun dai tein nawl an ngaih awk a si. 12 Nu hna nih mi cawnpiak le pa cung i nawlngaih ka onh hna lo, dai tein um ko hna seh. 13 Adam kha Eve nakin ser hmasa a si. 14 Hlenmi kha Adam a si lo i hlenmi le aa buarmi cu minu kha a si. 15 Sihmanhsehlaw zumhnak le dawtnak le thianhlimnak ah dawhtlak tein an um ahcun fahrin ruangah khamh an si lai.