6
Jerusalem Ah Pathian Kuang An Put
(1Cha 13.1-14; 15.25§16.6, 43)
1 David nih Israel mi lakin thim ciammammi 30-000 kha a pumh òhan hna.
2 Cun David cu a tho i a sinah a ummi vialte hna he khan, Pathian kuang, a cungah ralkapbu Bawipa min a cuang i cherubim cung i a òhumi kha, vung lak awkah Judah ram Baalah khua ah khan an vung kal. Ref 6.2: Exo 25.22
3 Cun Pathian kuang kha cawleng thar in an phorh i tlang cung i a ummi Abinadab inn khan an chuah pi; cun Abinadab fapa Uzzah le Ahio nih khan, Ref 6.3: 1Sam 7.1-2
4 a chung i Pathian kuang a ummi cawleng thar kha an mawngh i Ahio cu kuang hmaiah khan a kal.
5 Cun David le Israel chungkhar vialte cu Bawipa hmaiah an thazang dihlak le hla le tingtang le thonglawi le muko le khuang le sumsel hna he tiah nuamhnak an tuah.
6 Cun Nakon phuhri kha an phak tikah cawtum kha an rilh caah Uzzah nih Pathian kuang kha a kut in a hei banh i a tlaih.
7 Cun Bawipa thinhunnak cu Uzzah cungah a alh i a kut in kuang kha a hei banh caah Pathian nih khika ah a tuk i cuka ah Pathian kuang kiangah khan a thi.
8 Cun Pathian nih Uzzah cungah a thinhunnak a sah caah David cu a thin a hung i cuka hmun cu a min ah Perez-uzzah tiah nihin tiangin ti a si.
9 Cun David cu khi ni ah Pathian kha a òih i, “Zeitindah Bawipa kuang cu ka sinah a rat khawh lai?” tiah a ti.
10 Cucaah David nih Bawipa kuang cu David khua chung i luhpi awk kha a duh lo; asinain David nih Git mi Obed-edom inn lei tu ah khan a kalpi.
11 Cun Bawipa kuang cu Git mi Obed-edom inn chungah khan thla thum a um i Bawipa nih Obed-edom le a innchungkhar vialte kha thluachuahnak a pek hna. Ref 6.11: 1Cha 26.4-5
12 Cun Siangpahrang David kha an chimh i, “ Bawipa nih Obed-edom innchungkhar kha Pathian kuang thawngin thluachuah a pek hna,” tiah an ti. Cucaah David cu a va kal i Obed-edom inn khan David khua ah lunglawmhnak in Pathian kuang kha a ratpi;
13 cun Bawipa kuang a zawntu hna nih khan kar ruk an kal tikah cawtum pakhat le cenhmi saòil pakhat kha a thawi hna.
14 Cun David cu Bawipa hmaiah a thazang dihlak in a lam; David cu la hmangòhia tlangbawi angki aa hruk.
15 Cucaah David le Israel innchungkhar vialte nih aupah le muko tumpah in Bawipa kuang cu an hunpi.
16 Bawipa kuang kha David khua chung i a luh lioah Saul fanu Mikhal nih khan thlalangawng in a hei zoh i Siangpahrang David cu Bawipa hmai i a laam le aa hlawh len ko kha a hei hmuh i a lung chungin a nihsawh.
17 Cun Bawipa kuang kha an luhpi i a umnak ding hmun caah David nih a rak bunhmi thlam chungah khan an chiah. Cun David nih khangh thawinak le daihnak thawinak kha Bawipa hmaiah a pekchanh.
18 Cun David nih khangh thawinak le daihnak thawinak kha a pekchanh dih tikah, ralkapbu Bawipa min in mizapi kha thluachuah a pek hna i
19 mi vialte kha, Israel mibu cu an ning piin, nu he pa he, changreu hlum khat, sa zam khat le mitsur thei car hlum khat a phawt cio hna. Cun mi vialte cu, an inn cio ah an òin. Ref 6.19-20: 1Cha 16.43
20 Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.
21 Cun David nih Mikhal cu, “Na pa le a innchungkhar vialte nakin keimah kha a ka thim i Israel mi cung i bawi a ka cantertu Bawipa hmaiah pei a si tiah § Bawipa hmaiah cun thanuamnak ka tuah ko lai.
22 Hi nak i nihsawh awktlak deuh hmanh ah kaa ser ko lai i keimah mit hmanh ah zahpi awktlak ka si ko lai, sihmanhsehlaw na chimmi sinum ngaknu pawl hna thawng khan pei upat ka si lai tiah,” tiah a ti.
23 Cun Saul fanu Mikhal kha a thih ni tiangin fa a ngei lo.