22
David Nih Luatnak A Hmuh Caah Hla A Phuah
(Slm 18.1-50)
1 Cun Bawipa nih David a ral vialte hna kut chung le Saul kut chungin a chuahter ni ah, hi hla hin Bawipa cu a hloi.
2 “ Bawipa cu ka lungpi le
ka ralhruang le
a ka chuahtertu a si,
3 Ka Pathian, a chung i kaa dornak
lungpi, ka phaw le ka khamhnak ki,
ka ralhau le ka himnak;
Ka khamhtu, nangmah nih
zaang-ennak chungin na ka khamh.
4 Thangòhat awk a tlakmi Bawipa cu
ka auh i ka ral hna chungin
5 “Zeitintiah thihnak tilet nih
an ka dum,
Rawhralnak tilian nih
a ka tlunhnawh;
6 Sheol hri nih a ka zelh,
Thihnak rap nih a ka foih.
7 “Ka harnak chungin Bawipa kha
ka auh;
Ka Pathian kha ka auh.
A biaknak inn in ka aw kha
a rak theih i
Ka aunak kha a hna chung a phan.
8 “Cun vawlei kha aa hnin i aa sai;
A thin a hun caah van hram hna kha
an ther i an i hnin.
9 A hnar kua in meikhu a chuak i
A kaa chungin mei alh a chuak;
Amah sinin meiòil vaam an chuak.
10 Van kha a kuaih hna i a rung òum
A chahmi muihnak cu
a ke tangah a um,
11 Cherub aa cit i a zuang;
Thli thla cungah khan amah cu
an hmuh.
12 Muihnak a chahmi khuadawm,
ti aa pummi cu,
A velchum in i khuhnak ah a ser.
13 Amah hmai i ceunak chung khan
Meiòil an i hliau duakmak.
14 Bawipa cu van in khuarit in
a rung ri i
Cungnung Bik nih a aw kha a chuah.
15 Cun thal kha an thlah hna i
a òhek hna,
Nimtlau kha a thlah i
a dawi dih hna.
16 Bawipa nih a sik hna i
a hnar thaw nih a chem hna caah
rili kuang hna cu an lang i
vawlei hram hna cu an lang.
17 “Cungpi khin a run ka banh i
a run ka lak,
Ti tampi chungin a ka chuah.
18 A òhawngmi ka ral hna le
a ka huatu hna chungin
amah nih a ka chuah,
Zeitintiah annih cu ka caah
an òhawng tuk.
19 Ka vanchiat ni ah an ka chuahhnawh;
Sihmanhsehlaw Bawipa cu
ka cherhchan a si.
20 Hmun kaupi ah a ka kalpi;
Keimah chungah lawmhnak
a ngeih caah a ka chuahter.
21 Bawipa nih ka dinnak ningin
laksawng a ka pek;
Ka kut hna an thianning in
a ka lehrulh.
22 Zeitintiah Bawipa lam kha
kaa tlaih hna i
Ka Pathian sinin, sualnak lam
zulh awkah kaa òhen lo.
23 Zeitintiah a phunglam vialte cu
ka hmaiah an um i
A nawlbia hna kha ka pialtak bal hna lo.
24 Amah hmaiah soi awk um lo ka si i
Mawhnak zeihmanh tuah loin
ka um.
25 Cucaah Bawipa nih ka dinnak ningin
a ka lehrulh,
Amah mit hmuh i ka thiannak ningin.
26 “Zumhtlakmi sinah zumhtlak in
naa langhter,
Soi awk a um lomi sinah soi awk
um loin naa langhter.
27 A thiangmi sinah a thiang in naa langhter,
A hrokhrawlmi sinah zer ngaiin naa langhter.
28 Nangmah nih toidormi cu
na chuahter hna,
Sihmanhsehlaw ruamkaimi
annih cu òhumh awkah
an cungah na mit a um.
29 Asi, nangmah cu ka meiinn na si, maw Bawipa,
Cun ka Pathian nih ka muihnak kha a ceuter.
30 Asi, nangmah thawngin ralkapbu
bu khat ka tei khawh i
Ka Pathian thawngin vampang kha
31 Hi Pathian hi amah a lam cu
òhat a tling;
Bawipa biakamnak cu
a dik taktakmi a si;
Amah chung i aa dormi vialte caah
32 “Zeitintiah Bawipa dah ti lo cu
ahodah Pathian a si?
Kan Pathian dah ti lo cu
ahodah lungpi a si?
33 Hi Pathian hi, a òhawngmi
ka himnak a si,
Amah nih ka lam kha him tein a ser.
34 Amah nih ka ke cu sazuk
ke bantuk ah a ser hna i
Hmun sang ah him tein a ka chiah. Ref 22.34: Hab 3.19
35 Ka kut cu raldohnak caah
a cawnpiak hna,
Cucaah dar likuk kha ka ban nih
an koih khawh.
36 Nangmah nih na khamhnak phaw cu
na ka pek cang i
Nangmah bawmhnak nih
a ka lianhnganter.
37 Ka tang i ka kehlannak caah
hmun kaupi na ka pek i
ka ke cu a nal lo;
38 Ka ral hna kha ka dawi hna i
ka hrawh hna,
An dih hlan lo ka kir lo.
39 Ka thah dih hna; tleng lak in
ka chunh hna,
cucaah an tho kho ti lo;
Ka ke tangah an tlu.
40 Zeicahtiah raldohnak caah
nangmah nih
ka tai ah òhawnnak na ka sawmh i,
A ka chuahhnawhtu kha ka tangah
na pilter hna.
41 Ka ral hna le a ka huatu hna cu,
An hnulei na ka chitter hna i
ka hrawh hna.
42 Khua an zoh, sihmanhsehlaw
khamhtu ding pakhat hmanh an um lo,
Bawipa kha an auh, sihmanhsehlaw
a hawi hna lo.
43 Vawlei i leidip bantuk ah ka rial hna,
Ka den hna i lam i nawncek bantukin
ka lamh hna.
44 “Miphun hna he i siknak in
na ka khamh,
Miphun hna lu ah na ka chiah;
Ka hngalh lomi hna nih khan
ka rian an òuan.
45 Ramdangmi nih bawh buin
ka sinah an ra;
Ka bia an theih cangka,
ka nawl an ngaih.
46 Ramdangmi cu an hnabei a dong i
An ralhau chung khan
ther lengmang in an ra chuak.
47 “ Bawipa cu a nung ko;
ka lungpi cu thangòhat si ko seh,
Ka Pathian, ka khamhnak lungpi cu.
48 Ka phu a ka hlampiak i
ka tangah miphun hna a chiatu,
49 Ka ral hna chungin a ka chuahtu
Pathian cu hlorh si ko seh;
Nangmah nih ka ral hna cungah
na ka hlorh,
Mipuar hna lakin na ka luatter.
50 “Mah hi ruangah hin, maw Bawipa,
Miphun hna lakah kan hlorh lai i
Na min cu hla in ka thangòhat lai. Ref 22.50: Rom 15.9
51 Amah nih a siangpahrang cu
teinak lianngan a pek i,
A chiti thuhmi cu a fekmi dawtnak
a hmuhsak,
David le a tefa hna cu, zungzal in.”