20
Sheba Ral A Tho
1 Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i,
“David chungah covo zeihmanh
kan ngei lo,
Jesse fapa chungah ro zeihmanh
kan ngei lo;
Maw Israel mi hna, nanmah le
nan thlam cio ah kal dih u!”
tiah a ti. Ref 20.1: 1Sia 12.16; 2Cha 10.16
2 Cucaah Israel mi vialte nih cun David zulh kha an ngol i Bikhri fapa Sheba kha an zulh; sihmanhsehlaw Judah mi hna nih khan cun an siangpahrang kha fek tein Jordan tiva in Jerusalem khua tiang an zulh.
3 Cun David cu Jerusalem khua i a inn kha a phan i inn rak zohkhenh awkah a chiahtakmi nuchun pahra hna kha a lak hna i cawnghmi inn pakhat ah a chiah hna i a cawm hna, sihmanhsehlaw a va luhhnawh hna lo. Cucaah annih cu cuka ah cun an khumh hna i nuhmei bantukin an thih ni tiang an um. Ref 20.3: 2Sam 16.22
4 Cun siangpahrang nih Amasa kha a thawh i, “Ni thum chungah Judah mi kha ka sinah hmun khat ah ko hna law, nangmah zong um ve,” tiah a ti.
5 Cucaah Amasa cu Judah mi hna kawh awkah khan a kal; sihmanhsehlaw a caan tukpiakmi nakkhan a va rau deuh.
6 Cun David nih Abishai kha a thawh i, “Bikhri fapa Sheba nih hin Absalom nakkhan harnak tam deuh a kan pek lai; na bawipa ka sinum hna hi i kalpi hna law va dawi, cu ti a si lo ahcun, kulhmi khua hoi hna ah a lut lai i harnak a kan pek sual lai,” tiah a ti.
7 Cun Abishai cu Joab le Khereth mi hna le Peleth mi hna le miòhawng vialte nih khan an zulh; Bikhri fapa Sheba dawi awkah cun Jerusalem in an i thawh.
8 Gibeon i a ummi lung nganpi kha an va phak tikah, annih don awkah Amasa kha a ra. Joab cu a ralthuam in aa thuam i a lengah cun a tai ah taisawm in nam pakhat a kawng in aa thlaih i hmailei i a kalpah ah cun a tla.
9 Cun Joab nih Amasa cu a thawh i, “Na dam maw ka nau?” tiah a ti. Cun Joab nih Amasa cu hnamh awkah a orhlei kut in a khahmul in a tlaih.
10 Sihmanhsehlaw Amasa nih Joab kut i nam kha a ngia lo; cucaah Joab nih nam cun a pum ah a sawh i voi hnih nolh òhan ti loin a ril cu vawlei ah a tla i a thi.
Cun Joab le a nau Abishai nih khan Bikhri fapa Sheba kha an dawi.
11 Cun Joab mi pakhat kha Amasa pawngah khan a dir i, “Joab lei a òangmi le David lei i a òangmi paoh, Joab zul u,” tiah a ti.
12 Cun Amasa cu lamkalai ah cun a thi ah khan aa bual ko. Cun a rami kip nih khan an hmuh tikah an dir; cun mipa nih khan mi vialte an dir kha a hmuh tikah Amasa cu lam khan ramlak ah a òhial i puan a khuh.
13 Lam in òhial a si hnuah cun, Bikhri fapa Sheba kha dawi awkah Joab kha mi vialte nih khan an zulh.
14 Cun Sheba cu Israel phun vialte hna sinah khan Beth-maakah i Abel tiangin aa chawk; cun Bikhri mi vialte cu an i pum i amah kha an zulh.
15 Cun Joab sin i a ummi vialte kha an ra i Beth-maakah i Abel khua ah cun amah cu an dum; khua pawngah cun vawlei kha an hun toih i a kulhnak hrap duahmah ah cun a tlun; cun annih nih khua kulhnak cu chimh awkah heh tiah an den.
16 Cun a fim minu pakhat nih khua chung cun, “Hei! hei! Joab kha, ‘Hika ah hin ra law bia kan chimh lai,’ a ti tiah hei chim u,” tiah a ti.
17 Cun a pawngah cun a va kal i minu nih cun, “Nangmah cu Joab na si maw?” tiah a ti.
“Ka si,” tiah a leh.
Cun anih nih amah cu a thawh i, “Na salnu bia hi ngai tuah,” tiah a ti.
Cun anih nih a leh i, “Ka ngaih ko,” tiah a ti.
18 Cun anih nih a thawh i, “Hlan lioah cun, ‘Abel khua ah cun lungthin lawng i hal hna seh,’ tiah an rak ti tawn i cuticun bia kha an rak donghter tawn.
19 Keimah hi Israel mi hna lak i daihnak a duhmi le zumhawktlak a simi pakhat ka si ve; nannih nih Israel chung i nu can a simi khua kha hrawh nan i tim; zeicahdah Bawipa ro cu nan dolh lai,” tiah a ti.
20 Joab nih a leh i, “Cuticun a si hrimhrim lo, dolh ka tim lo i hrawh zong ka tim naisai lo!
21 Cu bantuk cu a si òung lo. Efraim tlangram mi pakhat a min Sheba a simi Bikhri fapa nih Siangpahrang David doh awkah a kut a hler i pei a si ko cu; amah cu kan pe u law, khua cu kan kaltak ko lai,” tiah a ti.
Cun minu nih khan Joab sinah cun, “Zohhmanh, a lu cu vampang in na sinah kan run thlak lai,” tiah a ti.
22 Cun minu cu a fimnak in mi vialte sinah khan a kal. Cun Bikhri fapa Sheba kha a lu an tan i Joab sinah khan an hei hlonh. Cucaah muko kha a tum i khua khan an òiao dih, anmah le an inn cio ah an kal. Cun Joab cu Jerusalem ah siangpahrang sinah khan a kir òhan.
David Bawi Pawl Hna
23 Joab cu Israel ralkap vialte haotu a si; Jehoiada fapa Benaiah cu Khereth mi le Peleth mi haotu a si;
24 Adoram cu hnekmi rian zohkhenhtu a si; Ahilud fapa Jehoshafat cu cazin òialtu a si;
25 Sheva cu caòialtu a si i Zadok le Abiathar cu tlangbawi an si;
26 cun Jairmi Ira zong David tlangbawi a si ve.