16
David le Ziba
1 Cun David cu tlangpar kha tlawmte a hei lonh ah khin Mefibosheth sinum Ziba nih khan, kengdan aa danh i changreu tlang 200, mitsur car bor 100, òhal thingthei 100 le mitsur hang cua khat a phormi laa pahnih he a rak don. Ref 16.1: 2Sam 9.9-10
2 Cun siangpahrang nih Ziba cu a thawh i, “Zeicahdah mah hihi na rak phorh hna?” tiah a ti.
Ziba nih cun a leh i, “Laa hi siangpahrang innchungkhar cit awkah an si; changreu le òhal thingthei hi tlangval hna ei awk caah an si i mitsur hang hi ramlak i a bami hna caah a si,” tiah a ti.
3 Cun siangpahrang nih cun a thawh i, “Na bawipa fapa kha tah khuazei ah dah a si?” tiah a ti.
Ziba nih siangpahrang sinah cun, “Zohhmanh, Jerusalem ah a um ko, zeicahtiah, “Nihin ah hin Israel chung hna nih ka pa pennak kha an ka pek òhan lai,’ a ti,” tiah a ti. Ref 16.3: 2Sam 19.26-27
4 Cun siangpahrang nih Ziba cu a thawh i, “Zohhmanh, Mefibosheth ta a simi vialte cu nangmah ta an si cang,” tiah a ti.
Cun Ziba nih, “Upatnak kan pek; na mithmuh ah, siangpahrang ka bawipa, mithmai òha hmu ko ning,” tiah a ti.
David le Shimei
5 Siangpahrang David cu Bahurim ah a phak tikah, Saul chung a simi innchungkhar chungin mipa pakhat a ra chuak i a min cu Shimei a si, amah cu Gera fapa a si; a chuah pah cun chiat a serh lengmang.
6 Cun David le Siangpahrang David sinum vialte kha lung in a cheh hna; mi vialte le miòhawng vialte cu a orhlei le a kehlei ah khan an um.
7 Cun chiat a serh pah cun Shimei nih khan, “Va lo ko, va lo ko, nang thisen chuah hmangpa, nang zei òhahnem lopa!
8 A pennak na chuhmi Saul innchungkhar thisen vialte cu Bawipa nih nangmah cungah a kirter òhan cang; cun Bawipa nih pennak cu na fapa Absalom kut chungah a pek cang. Zohhmanh, nangmah cu thisen chuah hmangmipa na si caah na rawhnak cu na cungah a tlung cang,” tiah a ti.
9 Khi tikah Zeruiah fapa Abishai nih siangpahrang sinah cun, “Zeicahdah hi uico thi cia nih hin siangpahrang ka bawipa cu chiat a serh len ko hnga? Va kal ning law a lu khi va chok tuah ning,” tiah a ti.
10 Sihmanhsehlaw siangpahrang nih cun a thawh i, “Nannih Zeruiah fapa hna, nannih nan i thlaknak zeidah a um? Bawipa nih amah cu, ‘David kha chiat va serh,’ tiah a ti i chiat a ka serh a si ahcun, ‘Zeicahdah mah cuticun na ti?’ tiah aho nih dah a ti khawh lai?” tiah a ti.
11 Cun David nih Abishai le a sinum vialte cu, “Zohhmanh u, keimah ka fapa hrimhrim nih ka nunnak kha a ka kawl; cucaah hi Benjamin mi nih hin cun zeitluk tam in dah a ka kawl chinchin lai! Zei ti hmanh in ti hlah u, chiat cu ka serh ko seh; zeitintiah Bawipa nih pei a fial lai tiah.
12 Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin òhatnak in a hei ka lehrulh ko hnga dahkaw,” tiah a ti.
13 Cucaah David le a mi hna cu lam ah cun an kal ko i Shimei nih cun an ral tlangpang in a kalhnawh hna i a kal pah cun chiat a serh lengmang i lung hoi hna in a cheh i leidip hoi hna a vorh hna.
14 Cun siangpahrang le a sinah a ummi vialte cu baa cikcek in Jordan kha an phan i khika ah khan aa hrim.
15 Cun Absalom le mi vialte, Israel mi hna kha, Jerusalem ah an ra i Ahithophel kha a sinah cun a um.
16 Cun Arki mi Hushai, David hawi kha Absalom sinah a rat tikah, Hushai nih Absalom cu, “Siangpahrang cu saupi nung ko seh! Siangpahrang cu saupi nung ko seh,” tiah a ti.
17 Cun Absalom nih Hushai cu, “Mah hihi maw na hawi cung i zumhtlak na sinak cu a si? Zeicahdah na hawi sinah cun na kal lo?” tiah a ti.
18 Cun Hushai nih siangpahrang cu, “Asilo, zeitintiah Bawipa le hi mi hna le Israel mi vialte nih an thimmi, cu pa ta cu ka si lai i amah sinah cun ka um ko lai.
19 Cun ahodah a rian ka òuan hlei ti lai? A fapa cu a si hnga lo maw? Na pa cu a rian ka rak òuan bantuk khan nangmah zong na rian kan òuanpiak lai,” tiah a ti.
20 Cun Absalom nih Ahithophel cu a thawh i, “Na ruahnak chim tuah, zeidah kan tuah lai?” tiah a ti.
21 Ahithophel nih Absalom cu, “Innhngaktu ah a chiahmi na pa nupichun kha va luhhnawh hna; cun Israel mi vialte nih na pa caah rim chia ah naa ser cang ti kha an theih lai i nangmah sinah a òangmi vialte hna kut cu a òhawng lai,” tiah a ti.
22 Cucaah inn cungah Absalom cu thlam an sakpiak i Israel mi vialte hmuh ah Absalom nih cun a pa nupichun kha a luhhnawh hna. Ref 16.22: 2Sam 12.11-12
23 Cu caan ah cun Ahithophel nih ruahnak a chuahmi cu Pathian sin i hmuhmi bia tluk ah khin rel a si; cuticun Ahithophel ruahnak vialte cu David nih siseh, Absalom nih siseh an upat.