12
Nathan Nih David Kha A Sik
Cun Bawipa nih Nathan kha David sinah a hei thlah. Amah sinah cun a ra i, “Khua pakhat ah hin mi pahnih an um i pakhat cu a rummi a si i pakhat cu sifakmi a si. Ref 12.1: Slm 51 (A tlangpi) Mirumpa nih cun tuurun le cawrun tam ngaingai a ngeih hna i sihmanhsehlaw misifakpa nih cun a cawkmi tuu a nute pakhat lawng khi a ngeih. Cun amah nih cun a cawm i a fale hna he cun an òhang òi, a kheng le a hrai kha aa hrawm ve tawn i a òang chungah a pom tawn, amah cu a caah fanu bantuk a si ko.
Voi khat cu, mirumpa cu khualtlung pakhat a ngei i amah tuurun chungin siseh, cawrun chungin siseh, sa cu thah duh riangmang loin, misifakpa tuufate tu cu a lak i a khualpa cu a thah,” tiah a ti.
Cun mipa cungah cun David thinhunnak cu a alh ciammam i Nathan sinah cun, “ Bawipa nih a nun bangin, mah thil a tuahtu hi thih awk a tlak; hi thil a tuah caah le zaangfahnak a ngeih lo caah a tuufate kha let li in a cham awk a si,” tiah a ti.
Cun Nathan nih David cu a thawh i, “Mipa cu nangmah hi na si. Hi bangin Bawipa, Israel Pathian nih, ‘Nangmah cu Israel mi siangpahrang ah chiti kan thuh i Saul kut chungin kan chuah; cun na bawipa inn cu kan pek i na bawipa nupi hna cu nangmah òang chungah kan pek hna, cun Israel mi chungkhar hna le Judah mi chungkhar hna cu kan pek hna; cun mah hihi a tlawm tuk ahcun, cu zat cu kan chap rih lai. Zeicahdah ka mithmuh i òhat lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah. 10 Cun nangmah nih na ka zawmhtaih i Hit mi Uriah nupi kha na nupi ah naa lak, cucaah vainam cu na inn in aa òhen bal lai lo,’ a ti.
11 Hi bangin Bawipa nih, ‘Zohhmanh, nangmah inn chung lila in òhat lonak nangmah cungah ka chuahter lai i na mitka hrimhrim ah na nupile hna cu ka lak hna lai i na innpa kha ka pek hna lai i hi ni chunceu ka hmuh hngan ah hin na nupile cu a ihpi hna lai. Ref 12.11-12: 2Sam 16.22 12 Zeitintiah nang nih cun hi thil hi a thli tein na tuah, sihmanhsehlaw kei nih cun hi thil hi Israel mi vialte hna hmai le chun khuaceu ah ka tuah lai,’ a ti,” tiah a ti.
13 Cun David nih Nathan sinah cun, “ Bawipa sinah ka sual cang,” tiah a ti.
Cun Nathan nih David cu, “ Bawipa zong nih na sualnak kha an ngaihthiam cang, na thi lai lo. 14 Sihmanhsehlaw mah hi thil na tuah thawngin Bawipa kha na zawmhtaih ngaingai cang caah, na hrinmi na fa cu a thi lai,” tiah a ti. 15 Cun Nathan cu a inn ah a òin.
David Fapa A Thi
Cun Bawipa nih, Uriah nupi nih David a hrinpiakmi fa cu a tuk i a zaw. 16 Cucaah David nih Bawipa kha ngakchia caah cun a nawl; cun David cu rawl a ul i a lut i vawlei ah zan khuadei a ril ko. 17 Cun inn chung i upa hna nih khan amah cu vawlei khan thawhter awkah a pawngin an dirhnawh; sihmanhsehlaw a tho duh lo, anmah sinah rawl zong a ei duh lo.
18 A ni sarihnak ah ngakchia cu a thi. Cun David cu a sinum hna nih khan ngakchia a thih kha a chimh an òih, zeitintiah annih nih, “Zohhmanh, ngakchia a nun lio hmanh ah khan kan chimh i a kan ngai duh lo, cucaah atu cu zeitindah ngakchia kha a thi cang, tiah kan chimh ngam lai? Amah le amah zeimaw tiin aa tuah sual lai,” tiah an ti.
19 Sihmanhsehlaw David nih a sinum hna an i ceih sepmap kha a hmuh tikah, ngakchia cu a thi cang, ti kha a hngalh; cun David nih a sinum hna cu, “Ngakchia cu a thi maw?” tiah a ti hna i, annih nih, “A thi,” tiah an ti.
20 Khi tikah David cu vawlei khan a tho i aa kholh i sathau aa thuh i a hnipuan aa thleng i Bawipa inn chungah a lut i Pathian kha a biak; cun amah inn ah khan a kal i a hal hna tikah rawl an hunh i a ei.
21 Cun a sinum hna nih khan amah cu, “Na tuahmi thil hi zeidah a si? Ngakchia cu a nun lioah rawl na ul i amah cu na òah lengmang; sihmanhsehlaw ngakchia cu a thih tikah na tho i rawl na ei,” tiah an ti.
22 Cun anih nih, “Ngakchia cu a nun lioah khan rawl ka ul i ka òap taktak; zeitintiah, ‘Ngakchia cu a nun nakhnga Bawipa nih a hei ka zaangfah ko hnga dah kaw, aho nih dah an hngalh khawh lai?’ ka ti. 23 Sihmanhsehlaw atu cu a thi cang; zeicahdah rawl cu ka ulh ti lai? Ka nunter òhan khawh lai maw? Keimah cu a sinah ka kal te lai, sihmanhsehlaw amah cu ka sinah a ra kir òhan lai lo,” tiah a ti.
Solomon Hrinnak
24 Cun David nih a nupi Bathsheba kha a hnemh i a sinah a lut i a ihpi i fapa pakhat a hrin, a min ah Solomon a sak. Cun Bawipa nih amah cu a dawt i 25 profet Nathan sinin bia a cah; cucaah Bawipa ruangah cun a min ah Jedidiaha Jedidiah ti cu Bawipa dawtmi ti a si. sak a si.
David Nih Rabbah A Tei
(1Cha 20.1-3)
26 Joab nih khan Ammon mi hna khua Rabbah kha a tuk i siangpahrang khua cu a lak. 27 Cun Joab nih David sinah zualko a hei thlah hna i, “Rabbah cu ka tuk cang; cuhleiah ti tamnak khua zong kha ka lak cang. 28 Cucaah atu cu a tangmi kha hmunkhat ah pum hna law khua kha riahhnawh law la tuah, cu ti a si lo ahcun, keimah nih khua cu ka lak lai i ka min in kawh a si sual lai,” tiah a ti.
29 Cucaah David nih mi vialte kha hmunkhat ah a pumh hna i Rabbah ah cun a va kal i a tuk i a va lak. 30 Cun Ammon mi pathian Molek luchin cu a lu cung khan a lak; a rih lei cu sui talen pakhat a si i a chungah lungvar mansung a um; cun cucu David kha an chinh. Cun cu khua hranchaw kha a lak, a tam ngaingai ko. 31 Cun a chung i a ummi hna kha a chuah hna i hluah le thir hmuizum le thir hreitlung in rian a òuanter hna i tlakrawh rawhnak ah khan rian a òuanter hna; cu bangin Ammon mi hna khua vialte cungah khan a tuah dih. Cun David le a mi vialte cu Jerusalem ah an kir òhan.