29
Filistin Mi Nih David Kha An Zum Lo
Filistin mi nih an ralkap vialte cu Afek ah an pumh hna i Israel mi cu Jezreel i a ummi cerh kamah khan an riak. Cun Filistin bawi hna cu a zaza le a thongthong in an lanh lengmang i David le a mi hna cu hnulei in Akhish he an lanh ve tikah, Filistin mi ralbawi hna nih cun an thawh i, “Hi Hebru mi hna hi hika ah hin zeidah an tuah?” tiah an ti.
Cun Akhish nih Filistin mi ralbawi hna sinah cun, “Mah hihi Israel siangpahrang Saul i a sal David, keimah sin i ni hi zat le kum hi zat a um cangmi, keimah sin i a rung zam hnu i a cung i palhnak zeihmanh ka hmuh lomi kha a si lo maw?” tiah a ti.
Sihmanhsehlaw Filistin mi ralbawi hna kha a cungah an thin a hung i Filistin mi ralbawi hna nih cun amah cu, “Mipa cu hmun na ruahpiakmi ah khan kirter ko; raltuknak hmun ah cun kan sinah kal hlah seh, raltuknak hmun ah khan kan ral ah a cang sual ai hnga. Kan mi hna cu a thah hna hnga i a thahmi hna lu cu a bawipa he i rem òhannak caah thilòha bik an si ko hnga lo maw? Mah hi David hi an lam pah i,
“Saul nih a thongthong in a thah hna,
David nih a sangsang in,”
tiin hla an i saktonhmi kha a si lo maw?” tiah an ti. Ref 29.5: 1Sam 18.7; 21.11
Khi tikah Akhish nih David kha a kawh i a sinah, “ Bawipa nih a nun bangin, nangmah cu midik ngaingai na si i hi raldohnak i kan kalnak ah hin keimah sin i na luh na chuah ve hi a ding ko, tiah ka ruah; zeitintiah ka sinah na rat ni in nihin ni tiang nangmah chungah zeihmanh òhat lonak ka hmu lo. Sihmanhsehlaw bawi pawl nih nangmah cu an hna na tla lo. Cucaah va kir law, Filistin bawi pawl hi lung si loin na umter hna nakhnga lo, dai tein va kal ko,” tiah a ti.
Cun David nih Akhish sinah cun, “Sihmanhsehlaw zeidah ka tuah? Siangpahrang ka bawipa i a ral kha ka tuk nakhnga lo dingah hin, na rian chung i ka luh ni in atu tiangah, na sal chungah hin zeidah na hmuh?” tiah a ti.
Cun Akhish nih David cu a leh i, “Nangmah cu keimah mit hmuh ah, Pathian vancungmi tlukin soi awk um lo na si ti kha ka hngalh ko; asinain, Filistin mi ralbawi hna nih khan, ‘Raltuknak hmun ah kan sinah kal hlah seh,’ an ti cang. 10 Cucaah cun nangmah sinah a rami na bawipa i a sal hna he khan zingka tein tho law, cun zing tein i thawh u law khua a dei cangka tein kal u,” tiah a ti.
11 Cucaah David cu a mi hna he khan zingka tein, Filistin mi hna ram i kir awkah khan an i thawh. Sihmanhsehlaw Filistin mi hna kha cu Jezreel ah an hung kal.