27
David Cu Filistin Mi Sinah A Um
1 Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a òha
deuhmi thil ka caah a um ti lo; khi tikah Saul cu Israel ram
chung i keimah kawl kha a lung a dong lai i a kut chungin ka
luat lai,” tiah a ti.
2 Cucaah David cu a tho i amah le a sinah a ummi mi 600 hna cu Maok fapa Akhish, Gath siangpahrang sinah khan an kal.
3 Cun David cu amah le a mi hna he, mi kip nih an innchungkhar cio he, cun David zong cu a nupi pahnih, Jezreel
khuami Ahinoam le Karmel i a rak ummi Nabal nupi ro Abigail hna
he khan, Akhish sinah, Gath ah khan an um.
4 Cun Saul kha, David cu Gath ah a zam cang, tiah an chimh tikah, amah cu a kawl ti lo.
5 Khi tikah David nih Akhish sinah khan, “Na mit ah mithmai òha ka hmuh a si ahcun, ram chung khuate pakhatkhat ah, khika
ah ka um nakhnga, hmun pakhat ka pe tuah; zeitintiah zeicahdah
na sal cu siangpahrang khua ah nangmah sinah ka um rua hnga?”
tiah a ti.
6 Cucaah khi ni ah Akhish nih Ziklag khua kha a pek; cucaah pei nihin tiang hin Ziklag khua cu Judah siangpahrang hna ta a
si cu.
7 Cun David nih Filistin mi hna ram chung i a um chung cu kum khat le thla li a si.
8 Cun David le a mi hna cu an hung kal i Geshur mi le Girzi mi le Amalek mi kha an hung chim hna; zeitintiah hi hna cu hlan
liopi in hi ram chung mi, Izipt ram leiah Shur tiangin a ummi an
si.
9 Cun David nih ram cu a tuk i pa siseh, nu siseh, a nung in a zuahmi hna an um lo, sihmanhsehlaw tuu hna le cawtum hna le laa
hna le kalauk hna le puan hna kha a lak hna i Akhish sinah a ra
kir òhan.
10 Akhish nih, “Nihin ah ahodah na hung hranh?” ti i a hal tikah, David nih, “Judah ram Negeb,” tiin maw, “Jerahmeel mi
hna Negeb,” tiin maw, “Ken mi hna Negeb,” tiin maw, a ti tawn.
11 Cun David nih, “Annih nih kan kong kha an chim lai i, ‘Cuticun David nih a tuah,’ tiin an ti lai ti kha a ruah caah,
Gath khua i thawngpang a hei kalpitu ding pakhat hmanh um lo
dingin, pa siseh, nu siseh, pakhat hmanh a nung in a zuah hna
lo. Filistin mi hna ram i a um chung vialte cu, mahticun a tuah
tawn.
12 Cun Akhish nih David cu a zumh i, “A mi Israel mi kha aa huatter cikcek cang hna caah ka sal a si zungzal lai,” tiin a
ruah.