21
David Cu Saul Sinin A Zam
Cun David cu Nob khua i tlangbawi Ahimelek sinah khan a ra; cun Ahimelek cu David ton awkah khan ther lengmang in a ra i amah sinah cun, “Zeicahdah nangmah lawng na si, ahohmanh na sinah an i tel lo?” tiah a ti. Ref 21.1-6: Mat 12.3-4; Mar 2.25-26; Luk 6.3
Cun David nih tlangbawi Ahimelek sinah cun, “Siangpahrang nih rian pakhat a ka fial i, ‘Kan fialmi rian le bia kan beohmi hi ahohmanh nih hngal hna hlah seh,’ tiah a ka ti. Cun cu hmun kha hmun ah kan i tong lai, tiin tlangval hna kha bia ka tiam cang hna. Cucaah atu ah na kut ah zeidah na ngeih? Changreu hlum nga in ka pe tuah, asiloah, hika i a ummi paoh zong,” tiah a ti.
Cun tlangbawi nih khan David cu a leh i, “Changreu sawhsawh cu ka ngei lo, sihmanhsehlaw changreu thiang cu a um; tlangval hna cu nu sinin an i thianhhlimh paoh ahcun,” tiah a ti.
Cun David nih tlangbawi kha a leh i, “Rian pakhatkhat ca i ka kal tikah a si tawn bangin, biangaite chim in, nu sinin kan i thianhhlimh ko; khualtlawn sawhsawh tik hmanh ah tlangval hna umkheng hi an thiang tawn ko; nihin ah hin cun zeitluk in dah an umkheng cu a thian chinchin lai?” tiah a ti. Cucaah tlangbawi nih khan changreu thiang kha a pek; zeitintiah khaka ah khan Hunh camcinmi changreu dah ti lo cu changreu dang a um lo, cu changreu cu Bawipa hmai in òhial a si ni ah changreu lum in rawlh òhan tawnmi a si. Ref 21.6: Lev 24.5-9
Cu ni ah cun, khaka ah khan, Saul sinum hna lak i pakhat, Bawipa hmai i taantermi a um; amah a min cu Doeg a si, Edom mi a si i Saul saòil khaltu hna lak i upa bik a si.
Cun David nih Ahimelek cu, “Hika ah hin fei siseh, vainam siseh, na ngei pingpang lo maw? Zeitintiah siangpahrang rian kha khulrang in tuah a herh caah ka vainam siseh, ka hriamnam siseh, kaa lak manh hna lo,” tiah a ti.
Cun tlangbawi nih cun, “Elah nelrawn i na thahmi, Filistin mi Goliath i a nam kha, zohhmanh, tlangbawi angki hnulei ah khin puan in aa zual i a um ko; mah khi naa lak duh ahcun i lak ko, zeicahtiah mah khi lawng khi a um,” tiah a ti. Cun David nih, “A dang khi bantuk khi a um lo, ka pe tuah,” tiah a ti. Ref 21.9: 1Sam 17.51
10 Cun David cu a tho i khi ni ah Saul sinin a zam i Gath siangpahrang Akhish sinah a kal. 11 Cun Akhish sinum hna nih cun a sinah, “Mah hihi an ram siangpahrang David kha a si lo maw? An lam pah in,
“Saul nih a thongthong in a thah hna,
David nih a sangsang in,”
tiin pakhat le pakhat hla an i leh lo maw kha?” tiah an ti. Ref 21.11: 1Sam 18.7, 29.5
12 Cun David nih hi bia cu biatak tein a ruah i Gath siangpahrang Akhish cu a òih ngaingai. Ref 21.12: Slm 56 (A tlangpi) 13 Cucaah an hmaiah a umtu ziaza cu a thlen i an kut chungah cun aa hruhter, kutka innkhar cung hoi hna ah khan zeizei khi dik a òial hna i a cil hoi hna kha a khahmul ah khan a luanter. Ref 21.13: Slm 34 (A tlangpi) 14 Cu tikah Akhish nih a sinum hna cu, “Zohhmanh u, mihrut a si ti nan hngalh ko; a si kun ahcun zeicahdah ka sinah nan ratpi? 15 Mihrut ka bau hna caah maw hi pa hi ka hmai i mihrut ziaza langhter awkah nan ratpi? Hi pa hi ka inn ah a luh awk a si hnga maw?” tiah a ti.