20
David le Jonathan An I Hawikomhnak
1 Khi tikah David cu Ramah khua chung i Naioth khan a zam i Jonathan sinah a kal i, “Zeidah ka tuah? Zeidah ka mawhnak a
si? Na pa hmaiah zeidah ka sualnak a si i ka nunnak a ka kawl
hi?” tiah a ti.
2 Cun anih nih, “A si hrimhrim lai lo! Na thi lai lo. Zohhmanh, ka pa nih hin thil ngan siseh, thil hme siseh zeihmanh
keimah theihter loin a tuah lo; cun zeicahdah mah hi cu ka pa
nih ka sinin a thuh lai? A thup hrimhrim lai lo,” tiah a ti.
3 Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi
cu thei theng duh hlah seh, a lung lam a fak ai hnga,’ tiin a
ruah lai. Sihmanhsehlaw biangai tein,
Bawipa
a nun bantuk le nangmah nunnak a nun bantukin, keimah le
thihnak karlakah hin kar khat lawnglawng a um,” tiah a ti.
4 Khi tikah Jonathan nih David sinah cun, “Na chimmi paoh kan tuahpiak lai,” tiah a ti.
5 David nih Jonathan cu, “Zohhmanh, thaizing cu thla thar a si i siangpahrang sin i cabuai i òhut kha ka tlolh awk a si lo;
sihmanhsehlaw a ni thumnak zanlei tiangin lo lakah kaa thuh nakhnga ka kalter tuah.
Ref 20.5: Nam 28.11
6 Cun na pa nih a ka hlam pingpang sual ahcun nangmah nih, ‘David nih an chungkhar dihlak ca i kum fate an ngeih tawnmi
raithawinak kha Bethlehem khua ah a um caah, cu amah khua
Bethlehem i va kal ta duak awk kha, hramhram in a ka nawl,’ tiah
na ti lai.
7 Cun anih nih, ‘A òha!’ a ti ahcun, na salpa caah hin a òha lai, sihmanhsehlaw a thin a hun ahcun, khi tikah, òhat lonak kha
aa ruahchih tiah va hngal ko.
8 Cucaah nangmah nih na sal hi nangmah he biakamnak thiang chungah na luhpi cang caah, na sal cungah hin zaangfahnak ngei
ko. Sihmanhsehlaw keimah chungah hin mawhnak a um a si ahcun,
nangmah nih ka that ko; zeicahtiah, zeicahdah na pa sinah cun na
ka kalpi len lai?” tiah a ti.
9 Cun Jonathan nih, “Cucu a si naisai lai lo! Nangmah cung i òhat lonak tlunter awk kha ka pa nih aa ruahchih ti ka hngalh
ahcun, chim loin kan um hnga maw?” tiah a ti.
10 Cun David nih Jonathan sinah cun, “Na pa nih aw hrang in in let seh law, aho nih dah a ka chimh lai?” tiah a ti.
11 Cun Jonathan nih David cu, “Ra, lo ah khin va kal u sih,” tiah a ti. Cucaah an pahnih in lo ah cun an va kal.
12 Cun Jonathan nih David cu, Bawipa,
Israel Pathian cu biahngaltu si ko seh! Thaizing ah maw, a
ni thumnak ni ah maw, atu caan hrawngah hin, ka pa cu ka hneksak
tuah lai i, zohhmanh, David leiah ruahnak òha a ngeih ahcun,
khi tikah nangmah sinah mi thlah lo le chimh loin kan um hnga
maw?
13 Sihmanhsehlaw ka pa nih nangmah cu harnak pek an duh sual a si ahcun, him tein na kal nakhnga, cucu nangmah sinah ka phuan
lo i kan kalter lo a si ahcun, Jonathan cungah
Bawipa
nih cu bantukin tuah seh law, cu nak tam zongin tuah ko seh.
Ka pa sinah
Bawipa
cu a um tawn bantukin nangmah sinah um ko seh.
14 Ka nun rih a si ahcun, Bawipa,
dawtnak zumh awktlak kha ka cungah langhter tuah, ka thih
nakhnga lo;
15 cun ka innchungkhar hna sinin a zungzal in zumh awk tlak na sinak kha chat hlah.
Bawipa
nih David ral vialte kha vawlei cungin a hloh dih hna tikah,
Ref 20.15: 2Sam 9.1
16 Jonathan min cu David innchungkhar sinin chah si hlah seh. Cun
Bawipa
nih David ral hna cungah phu hlam ko seh,” tiah a ti.
17 Cun Jonathan nih David cu amah a dawtnak chalh in chiat a serter òhan; zeitintiah amah nunnak aa dawt bantuk te khan a
dawt.
18 Cun Jonathan nih amah sinah cun, “Thaizing hi thla thar kha a si i kan in hlam ko lai, zeicahtiah na òhutnak kha a
lawng lai.
19 Cun kiptuh ah cun kan in hlam ngaingai ko lai; khi tikah, kha kong kha a hung chuah tikah, naa thuhnak ah khan na va kal
lai i khi lungpumh pinah khin na um lai.
20 Cun hmuichon a kap bantukin kaa umter lai i a sirah cun thal pathum ka hun kah lai.
21 Cun zohhmanh, tlangval kha ka hei thlah lai i, ‘Va kal law, thal kha va kawl hna,’ tiah ka ti lai. Cun tlangval sinah
khan, ‘Zohhmanh, thal kha nangmah in hi lei kap ah an um, rak la
hna,’ ka ti ahcun, na rat awk a si lai, zeitintiah,
Bawipa
a nun bangin, nangmah caah hnangam a si i òih awk a um lo.
22 Sihmanhsehlaw tlangval cu, ‘Zohhmanh, na pinah thal kha an um,’ ka ti ahcun, na kal diam awk a si lai; zeitintiah
Bawipa
nih an kalter diam cang.
23 Cun nangmah le keimah nih kan chimmi kongah cun, zohhmanh, Bawipa
cu nangmah le keimah karlakah zungzal in a um ko,” tiah a
ti.
24 Cucaah David cu lo lakah khan aa thup; thla thar kha a hung si tikah, siangpahrang cu rawl ei awkah a òhu.
25 Siangpahrang cu voi dang tawn bantukin vampang pawng i a òhutdan cungah khan a òhu; Jonathan cu hmaitonh in a òhu, cun
Saul sirah khan Abner a òhu, sihmanhsehlaw David òhutnak kha cu
a lawng.
26 Sihmanhsehlaw cu ni ah cun Saul nih zeihmanh a chim lo; zeitintiah, “Zeithil nih dik a tlunh rua; amah cu a thianglo i
a si ko, a thianglo i a si hrimhrim ko lai,” tiah a ruah.
27 Sihmanhsehlaw a ni hnihnak ni, thla thar thaizing ah khan, David umnak cu a lawng òhiamòhiam. Cun Saul nih a fapa
Jonathan sinah khan, “Zeicahdah Jesse fapa hi nizan he nihin he
rawlei ah a rat lo?” tiah a ti.
28 Jonathan nih Saul cu a leh i, “David nih Bethlehem khua i va kal ta duak awk kha hramhram in a ka nawl i,
29 ‘Ka innchung hna nih khi khua ah raithawinak an tuah i ka u nih khika i um awkah a ka hnek, cucaah ka kalter ko. Cucaah na
hmaiah duhdawtnak ka hmuh a si ahcun, ka thlah law, ka ule cu va
ka hmuhter tuah hna,’ tiah a ti. Hi ruangah hin siangpahrang
cabuai i a rat lonak cu a si,” tiah a ti.
30 Cu tikah Saul thinhunnak cu Jonathan cungah a alh ciammam i, “Nang, milolak le ralchanh hmangminu fapa, nangmah lila
ningzahnak caah le na nu pumlawnnak ningzahnak caah, Jesse fapa
kha naa thim cang, tiah ka hngal lo mei?
31 Zeicahtiah, Jesse fapa hi, vawleicung i a nun chung paohpaoh ahcun, nangmah siseh, na pennak siseh, a hmun bal lai
lo. Cucaah mi hei thlah hna law, ka sinah ratpi u, zeitintiah a
thi hrimhrim lai,” tiah a ti.
32 “Zeicaahdah a thih lai, zeidah a tuah i?” tiah Jonathan nih a leh.
33 Khi tikah Saul nih cun Jonathan cu a fei in a hei khawh i thah a zalh, cucun Jonathan nih khan a pa i David thah a timh
taktak cu fiang tein a hngalh.
34 Cun Jonathan cu thinhung ngaiin cabuai cun a tho i thla ni hnihnak ni ah cun rawl a ei lo; zeitintiah a pa nih David kha
thangchiat a phorhter caah David kha a ngaihchiatpi ngaingai.
35 Zinglei ah tlangval note pakhat kha aa kalpi i lo chung i David he an i tiammi hmun ah khan a va kal.
36 Cun a tlangvalpa sinah cun, “Va tli law, ka kahmi thal khi va char hna,” tiah a ti. Cun tlangvalpa cu a tlik lioah
khin, thal dang pakhat a pinah khan a hei kah.
37 Cun tlangvalpa cu Jonathan nih a kahmi thal hmun a hei phak tikah khan, Jonathan nih tlangvalpa cu a hei auh i, “Thal
kha na pinlei ah a si lo mei?” tiah a ti.
38 Cun Jonathan nih tlangvalpa cu a hei auh i, “Khulrang in i namhnawh, um hlah,” tiah a ti. Cucaah Jonathan tlangvalpa nih
khan thal kha a char zokzok hna i a bawipa sinah khan a ra.
39 Sihmanhsehlaw tlangvalpa nih khan zeihmanh a hngal lo; Jonathan le David lawng nih khan thil umtuning cu an hngalh.
40 Cun Jonathan nih a hriamnam cu tlangvalpa kha a pek hna i amah cu, “Va tlung law, khua chungah hei phor hna,” tiah a ti.
41 Tlangvalpa kha a kal dih cangka, lungpon sir khan David cu a hung chuak i vawlei ah a bawk i voi thum a kun; cun pakhat
le pakhat an i hnam i pakhat le pakhat an i òah, David kha a
zualhma khun.
42 Cun Jonathan nih David cu, “Dai tein va kal ko, zeicahtiah, ‘Keimah le nangmah karah le ka tefa hna le na tefa
hna karlak ah, zungzal in,
Bawipa
cu um ko seh,’ tiin pei
Bawipa
min in kan pahnih in chiat kan ser òi cang kha,” tiah a
ti. Cun a tho i a kal; Jonathan cu khua chungah a lut.