19
Saul Nih David Kha Thah Awkah A Kawl
1 Cun Saul nih a fapa Jonathan le a sinum vialte hna kha, David kha nan thah lai, tiah a chimh hna. Sihmanhsehlaw Saul fapa Jonathan nih David kha a tlaihchan ngaingai.
2 Cun Jonathan nih David cu, “Ka pa Saul nih thah an timh; cucaah zinglei ah cun i ralring tuah, hmun kenfiak ah um law i thup;
3 cun ka kal lai i na umnak lo lakah khan ka pa pawngah ka dir lai i nangmah kong kha ka pa cu ka ruah lai, cun zeizei ka hngalhmi a um ahcun kan chimh lai,” tiah a ti.
4 Cun Jonathan nih a pa Saul sinah cun David cu a chimthiam i, “Siangpahrang nih a sal David cungah hin sualnak tuah hlah seh, zeicahtiah na cungah a sual lo i a tuahmi cu nangmah caah a òhami rian lengmang a si;
5 thih le thih tiin Filistin mipa kha a tuk i Israel mi vialte caah Bawipa nih teinak nganpi a tuah. Na rak hmuh i na rak i lawm; cucaah cun, zeicahdah, zeiruanglo i David thahnak thawngin zeihmanh a sual lomi thisen cungah sualnak na tuah kun lai?” tiah a ti.
6 Cun Saul nih Jonathan aw cu a zawn i Saul nih, “ Bawipa nih a nun bangin, amah cu thah a si lai lo,” tiah chiat a ser.
7 Cun Jonathan nih David cu a kawh i hi thil vialte cu Jonathan nih a hmuhsak. Cun Jonathan nih David cu Saul sinah a ratpi i a hlan bantuk khan a hmaiah a um òhan.
8 Cun ral a um òhan hoi i Filistin mi he i doh awkah David cu a kal, tampi a thah hna, cucaah a hmai in an zaam.
9 Cun Saul cu a inn chung i fei i put in a òhut lioah khan, Bawipa sinin a rami thlarau òhalo cu a cungah khan a tlung; cu lioah cun David kha tingtang a tum.
10 Cun Saul nih David cu fei in vampang i hlinh chih ding kha a kawl; sihmanhsehlaw Saul kha a pianh manh, cucaah fei kha vampang ah aa bunh. Cun David cu a zam i a luat.
11 Cu zan ah cun Saul nih David inn ah khan zinglei ah a thah khawh nakhnga amah kha bawh awkah mi a thlah hna. Sihmanhsehlaw David nupi Mikhal nih, “Tuzan ah hin na nunnak naa khamh lo ahcun, thaizing ah cun thah na si lai,” tiah a chimh. Ref 19.11: Slm 59 (A tlangpi)
12 Cucaah Mikhal nih David cu thlalangawng in a vun thlak i a zam i a luat.
13 Mikhal nih milem pakhat kha a lak i ihkhun cungah cun a chiah i a lu ah meheh hmul chantling a tlinh i puan in a khuh.
14 Saul nih amah kha lak awkah mi a hei thlah hna tikah, “A zaw,” tiah a rak ti.
15 Cun Saul nih David zoh awkah cun mi a hei thlah hna i, “A ihkhun in keimah sinah hun zawn u, ka thah nakhnga,” tiah a ti.
16 Cun a fialmi hna kha an rung luh tikah, zohhmanh, milem kha, a lu ah meheh hmul chantling i i tlinh in ihkhun cungah khan a rak um ko.
17 Saul nih Mikhal sinah cun, “Zeicahdah hi bantukin na ka hlen i ka ral kha na kalter? Cu ca i amah a rak i zuh diam cang hi,” tiah a ti. Cun Mikhal nih Saul cu a leh i, “Ka kalter tuah, zeicahdah nangmah cu kan thah lai, tiah cun pei a ka ti cu,” tiah a ti.
18 Cun David cu a zam i a luat i Ramah ah Samuel sinah a ra i Saul nih a cung i a tuahmi vialte kha a chimh dih. Cun amah le Samuel cu an kal i Naioth ah an um.
19 Cun Saul cu, “Zohhmanh, David cu Ramah i Naioth ah a um,” tiah an chimh.
20 Khi tikah Saul nih David kha lak awkah mi a hei thlah hna; annih nih profet bu cu an holh cukmak len ko le Samuel kha an cungah haotu in a um kha an va hmuh tikah, Saul nih a thlahmi hna cungah khan Pathian thlarau cu a tlung i annih zong an holh cukmak ve.
21 Mah cucu Saul kha an chimh tikah, midang kha a thlah òhan hna; cun annih zong cu an holh cukmak ve. Cun Saul nih a voi thumnak ah mi a hei thlah òhan hna i annih zong cu an holh cukmak ve òhiamòhiam.
22 Khi tikah amah hrimhrim Ramah ah cun a kal i Seku i a ummi tikhor nganpi kha a phan; cun, “Samuel le David kha khuazei ah dah an um?” tiah a hal hna. Cun pakhat nih, “Zohhmanh, Ramah khua chung i Naioth ah an um,” tiah a ti.
23 Cun khika in Ramah khua chung i Naioth ah cun a va kal i Pathian thlarau kha amah cungah cun a tlung ve i a kalpah cun, Ramah khua chung i Naioth a phak hlantiang a holh cukmak lengmang ko.
24 Cun amah zong cu a hnipuan kha aa phoih ve i Samuel hmaiah khan bia a chim cukmak ve, cun cu ni cu chun nitlak, zan khuadei, pumlawng in a it. Cucaah, “Saul zong profet hna lakah aa tel ve cang dahra?” ti a si lan. Ref 19.24: 1Sam 10.11-12