7
Cu hnuah cun vawlei kil li kip ah a dirmi vanmi pali ka hmuh hna, vawlei le rili le thingkung hna cungah hrang lo dingin thli pali cu an tlaih hna. Cun vanmi dang pakhat a nungmi Pathian cakhenh he nichuahlei in a rung òummi zong ka hmuh. Vawlei le rili vialte hrawh khawhnak pekmi vanmi pali cu aw thang piin a auh hna i, “Kan Pathian salle hna cal ah chingchiahnak cakhenh an khenh dih hlan cu vawlei le rili le thingkung hna cungah zeihmanh tuah hlah u,” a ti.
Cun Pathian cakhenhmi an cal ah chingchiahnak tuahmi hna cu thong zakhat le thong sawm li le thong li an si tiah an ka chimh.
Israel phun hleihnih chungin an si.
Phun khat in thong hleihnih cio an si.
Judah phun in thong hleihnih,
Reubin phun in thong hleihnih,
Gad phun in thong hleihnih,
Asher phun in thong hleihnih,
Naftali phun in thong hleihnih,
Manasseh phun in thong hleihnih,
Simeon phun in thong hleihnih,
Levi phun in thong hleihnih,
Issakhar phun in thong hleihnih,
Zebulun phun in thong hleihnih,
Josef phun in thong hleihnih le
Benjamin phun in thong hleihnih an si.
Cu hnuah cun ahohmanh nih relcawklo mibu, mi phunkip le holh phunkip ka hmuh hna. Tum hnah an i put i angki rang fual pipi an i aih i bawi òhutdan le Tuufa hmaiah cun an dir. 10 Fak piin an au i “Khamhnak cu bawi òhutdan ah a òhumi kan Pathian le Tuufa ta a si,” an ti. 11 Vanmi vialte cu bawi òhutdan le upa hna le thilnung pali hna velchum ah cun an dir; bawi òhutdan lei hoih in an lu an khun i Pathian kha an biak.
12 “Amen! Thluachuahnak le sunparnak le
Fimthiamnak le lunglawmhnak le
Upatnak le òhawnak le lianhngannak cu
Kan Pathian sinah zungzal in um ko seh, Amen,”
an ti. 13 Cun upa pakhat nih a ka thawh i “Mah angki rang fual pipi aa aihmi hna hi ahodah an si i khuazei in dah an rat? tiah a ka hal. 14 “Bawipa, ka hngal lo, nangmah nih na hngalh,” ka ti. A ka thawh i, “Mah hna hi hremnak fakpi chungin a rami an si. An puan cu Tuufa thi in a sumi hna an si.
15 Cucaah cun Pathian bawi òhutdan hmaiah cun a chunchun a zanzan in an um i biakinn chungah rian an òuan. Bawi òhutdan cungah a òhumi nih cun a umpi hna lai i a kilven hna lai.
16 An rawl a òam ti lai lo i an ti zong a hal ti lai lo. Nilin khuasa an ing ti lai lo.
17 Bawi òhutdan laifang ah a ummi Tuufa cu an tuukhal a si lai i nunnak tiput ah a hruai hna lai; Pathian nih an mitthli vialte a hnawhpiak dih hna lai,” a ti.