3
1 “Sardis Khrihfabu vanmi sinah hitihin òial: ‘Thlarau pasarih le arfi pasarih a ngeimi Pathian bia cu hitihin a si.
“ ‘Na òuannak cu ka hngalh, nun min cu na pu ko nain na thi.
2 I hlau, na ngeih ko rih i a thi dengmangmi tal kha òhawnter òhan tuah; zeitintiah na òuannak cu ka Pathian hmaiah a tling in ka hmu hrim lo.
3 Na hmuhmi le na theihmi kha i cinken; i tlaih peng law na nun òhin cang. Naa hlauh lo ahcun mifir bantukin ka ra lai, zeitik caan ah dah na sinah ka rat lai kha na hngal lai lo.
4 Sihmanhsehlaw Sardis khua ah an thilpuan a thurhhnawmh lomi mi tlawmte cu na ngeih rih ko hna; cu hna nih cun an phut caah angki rang aih in ka sinah an leng lai.
5 A teitu cu puanrang aa aih lai i nunnak cauk chungin a min ka hrawk lai lo.
6 Ka Pa le a vanmi hmaiah a min cu ka chim lai, hna a ngeimi paoh nih Khrihfabu hna sinah Thlarau nih a chimmi cu òha tein ngai ko seh!’ a ti.
7 “Cun Filadelfia Khrihfabu vanmi sinah hitihin òial:
‘A thiang i a dingmi pa, David tawh a ngei i a hunmi cu
ahohmanh nih an khar khawh lomi le a kharmi cu
ahohmanh nih an hun khawh lomi pa bia cu hitihin a si:
8 “Na òuannak cu ka hngalh, zohhmanh, na hmaiah innka hun cia ka chiah, ahohmanh nih an khar kho lai lo. Òhawnnak tlawmte lawng na ngei ko nain ka bia cu na zulh i ka min na hlaw lo.
9 Zohhmanh, Judah mi ka si a ti òung i a si lomi Satan nun a cawngmi hna cu na hmaiah ka rak hruaih hna lai i na ke hramah ka kunter hna lai i nangmah cu kan dawtmi na si kha an hngalh lai.
10 Lungsau ngaiin na zulh caah in awk kan pekmi bia vawlei mi vialte hneksak awkin harnak a tlun tikah kei zong nih kan hmuhsak lai.
11 Ka rachom lai, na suiluchin cu ahohmanh nih an in chuh nakhnga lo na ngeih ciami cu i tlaih peng ko.
12 A teimi cu ka Pathian biakinn suttung ah ka bunh lai i ahohmanh nih an òhial kho ti lai lo. A cungah cun ka Pathian min le ka Pathian khualipi min le ka Pathian sinin van in a rami Jerusalem thar min le ka min thar kha ka khenh hna lai.
13 Hna a ngeimi paoh nih Khrihfabu sinah Pathian Thlarau nih a chimmi cu òha tein ngai ko seh.
14 “Cun Laodisia Khrihfabu vanmi sinah hitihin òial: ‘Amen, a dikmi bia theitu zumhtlak, Pathian sermi vialte a hram bik nih cun hitihin a ti:
15 “Na rianòuannak ka hngalh, a kih zong na kik lo, a lum zong na lum fawn lo; na kih lawlaw kun, na lum lawlaw kun ah a òha deuh.
16 Kik lo lum lo, lum phutphat lawng na si ahcun ka kaa in kan chak lai.
17 Ka rum, zeipaoh ka ngeih, chambaumi ka ngei lo naa ti, zohhmanh, zaangfah awktlak misifak, santlailo mitcaw le taklawng um na si hmanh na hngal lo.
18 Cu a si caah cun fim kan chimh, kan sinah sui erlet ra ka caw law na rum lai i naa aih awkah puan rang ra ka caw law na taklawng in na um i an in hmuh dih komi kha na khuh lai. Na mit thuh awk si rak ka caw law khua na hmu lai.
19 Ka dawtmi cu ka sik hna, an nun an òhinh nakhnga le an i biatak nakhnga ka chimhhrin hna i ka hrem hna.
20 Zohhmanh, innka hramah ka dir i ka kingh; ahopaoh nih ka aw a theih i innka a ka hunhmi cu ka lut lai i a sinah rawl ka ei lai; amah zong ka sinah a ei ve lai.
21 Kei zong nih ka tei i ka Pa he a bawi òhutdan ah ka òhut bantukin a teimi paoh cu bawi òhutdan ah òhutnak nawl ka pek lai.
22 Hna a ngeimi paoh nih Khrihfabu sinah Thlarau nih a chimmi cu òha tein ngai ko hna seh.