22
Nunnak Tiva
1 Cun, nunnak tiva a ka hmuhsak i thlalang bantukin a fimmi a si. Pathian le Tuufa bawi òhutdan cungin aa sem i khuapi tlanglam laifang in a luang thluahmah.
2 Tiva kam veve ah cun nunnak thingkung an um i thla khat voi khat lengmang in phun hleihnih an tlai. A hnah cu miphun kip damnak caah a si.
3 A chungah Pathian chiatserhmi zeihmanh a um ti lo. Pathian le Tuufa bawi òhutdan an um lai i a miòhi hna nih an biak lai;
4 a hmai an hmuh lai i a min cu an cal ah aa khenh lai.
5 Zan a um ti lai lo; nika le meiinn ceunak an hmang ti lai lo. Zeitintiah Bawipa Pathian cu an ceunak a si lai i a zungzal in a zungzal tiang an pen lai.
6 Vanmi nih cun a ka thawh òhan i, “Mah bia hna hi zumhtlak le a hmanmi an si. Profet hna sinah thlarau petu Bawipa Pathian nih a rachom laimi a salle hna sin i chim awkin a vanmi a rak thlah.
7 “Ngaihmanh u, ka rachom lai!” tiah Jesuh nih a ti. Hika cauk chung i profet bia a zulmi paoh cu mithluachuak an si.
Biatlangkawmnak Le Thluachuah Peknak
8 Hihi a hngaltu le a theitu cu keimah Johan hi ka si. Ka hngalh i ka hmuh tikah hi thil a ka chimtu vanmi hmaiah cun ka bawk i biak ka tim nain;
9 “Khakha na tuah awk a si lo! Kei cu na sal hawi, profet na unau le hi cauk chung bia a zulmi ka si ve ko. Pathian tu bia deuh,” a ka ti.
10 A ka thawh i, “Hi cauk chimchungnak bia hi thup hlah, zeitintiah a caan a phan deng cang.
11 Cucaah a òha lomi hna cu òha lo ko rih hna seh law, mithurhnawm hna cu thurhnawm ko rih hna seh. Miding hna nih cun dinnak cu tuah ko hna seh law, a thiangmi hna cu thiang ko rih hna seh,” a ti.
12 “Ngaihmanh, ka rachom lai, mi kip nih an òuanman cio pek dingin teirul cham awk ka rak i put.
13 Keimah cu Alfa le Omega, a hmasa bik le a hmanung bik, a hramthawknak le a donghnak ka si,” a ti.
14 An angki fualpi thiang tein a su i nunnak thingthei a ei hngami hna le khualipi chungah kutka in a lut hngami hna cu mithluachuak an si.
15 Lengah a ummi hna tu cu uico le eih hmang le nu le pa sualnak a tuahmi le lainawngmi le siasal biami hna, lihchim hmangmi le a dik lomi a duh i a tuahmi an si.
16 “Keimah Jesuh nih Khrihfabu sinah hi bia hna hi chim awkin ka vanmi ka rak thlah; David hrihhram le chungchuak deirel arfi cu ka si,” a ti.
17 Thlarau le va ngei lai ngaknu nih cun,
“Ra ko,” an ti.
A theimi kip hna zong nih “Ra ko,” ti cio hna seh.
Ti a halmi paoh cu ra ko seh,
man loin nunnak ti a duhmi paoh nih cun ding ko hna seh!
18 Hi cauk chungah profet chim chungnak a theimi paoh ralrinnak kan pek hna: hi cauk chung bia a chapmi hna paoh cu Pathian nih hi chung i hremnak a chimmi kha chapchih a si ve lai.
19 Cun, hi cauk chungah profet chim chung bia a zukmi cu hi chungah nunnak thingkung khualipi thiang a hrawmh hngami cu Pathian nih a lak kanh ve lai.
20 Hi bia hna a phuangtu nih hin, “Asi, ka rachom lai,” a ti.
Amen, ‘Bawipa Jesuh ra ko cang.’
21 Bawipa Jesuh Khrih vel cu mithiang vialte nan cungah um ko seh. Amen.