21
Van Thar Le Vawlei Thar
Cun van thar le vawlei thar ka hmuh hna i van hmasa le vawlei hmasa cu an liam dih i rili zong a um ti lo. Khualipi thiang, Jerusalem thar cu Pathian sinin van cun a rung òum i a va ton aa timmi va ngei ding ngaknu òamh in aa òamh. Bawi òhutdan in aw thang ngai ka theih i, “Zohhmanh u, Pathian umnak cu minung sinah a um cang. An sinah a um lai i annih zong amah mi an si lai, Pathian, amah hrimhrim kha an sinah a um lai. An mit i mitthli vialte a hnawhpiak hna lai. Thihnak a um ti lai lo i òah le hram, temh le in zong a um ti lai lo. Zeitintiah hlan lio thil vialte cu a lo dih cang.
Cu bawi òhutdan cung i a òhumi nih cun a thawh i, “Zohhmanh u, thil vialte a thar in ka ser cang,” a ti. A thawh òhan i, “Hihi òial, zeitintiah hi bia hna hi zumhtlak le a dikmi an si,” a ti. Cun a ka thawh i, “Aa lim cang! Keimah cu Alfa le Omega ka si, a thawknak le a donghnak ka si. Ti a halmi paoh sinah tikhor in nunnak ti kha man loin ka pek lai. A teimi nih cun hi ro hi an co lai i kei cu an Pathian ka si lai i amah zong ka fa a si lai. Miralchia hna le a zum lomi hna le mifihnung hna le lainawngmi hna le nu le pa sualnak a tuahmi hna le eih hmangmi le siasal biami le lihchimmi hna an co hngami tu cu kat mei alh tili a si, cucu thih voi hnihnak cu a si,” a ti.
(Eze 48:30-35)
Cun kanto pasarih khat in hmanung bik hremnak pasarih aa putmi vanmi pasarih lak i pakhat cu ka sinah a ra i, “Ra hmanh, Tuufa nupi ding Ngaknu cu kan hmuhsak lai,” a ti. 10 Cun, Thlarau in tlang nganpi le a sang ngaimi ah a ka kaipi i van Pathian sinin a rung òummi Jerusalem khua thiang cu a ka hmuhsak. 11 Pathian sunparnak a ngei i a cerning cu lung man sung jasper, thlalang bantukin a fim. 12 Khualipi velchum ah cun a sang ngaimi vampang sangpi a um i vampang ah cun kutka kaa hleihnih an um. Kutka hleihnih hna cu vanmi pakhat cio nih an congh i kutka kip ah cun Israel phun hleihnih, phunkhat cio min kha òial an si. 13 Nichuahlei ah pathum, chaklei ah pathum, thlanglei ah pathum le nitlaklei ah pathum cio an um. 14 Khualipi vampang nih cun derhnak hram lungphum hleihnih a ngei i an cung cio ah tuufa lamkaltu hleihnih min òial an si.
15 A ka chawntu vanmi cu khualipi le a kutka le vampang tahnak ah sui fung a ngei. 16 Khualipi cu tung vang palh a si i a fung cun khualipi cu a tah, a tung a vang le a san cu an i can cio i khan thong khat le khan zanga cio an si. 17 A vampang zong minung tahnak hmang in vanmi nih cun a hei tah i pe zahnih le pe hleiruk a chah. 18 Vampang cu jasper lung man sung in rual a si i khualipi tu cu sui hlerhlak, thlalang bantuk a fimmi in sak a si. 19 Khualipi hram cu lungvar phun kip in òamh a si, a hmasa bik cu jasper a si i a pahnihnak cu safaiar, a pathumnak cu agate, a palinak cu emeral a si. 20 A panganak cu onikha a si i a paruknak cu karnelian a si i a pasarihnak cu khrisolaih a si i a pariatnak cu beril a si. A pakuanak cu topaz a si i a pahranak cu khrisoprase a si, a hleikhatnak cu jakinth a si i a hleihnihnak cu amethyst lungvar a si. 21 Cun kutka hleihnih hna ah cun tikep lungvar hleihnih an um i kutka kip kha tikep lungvar pakhat cio in sermi a si. Khualipi tlanglam cu sui fangfak, thlalang bantuk thlam lang in ser a si.
22 Khualipi chungah cun biakinn ka hmu lo, zeitintiah a biakinn cu a lianganmi Bawipa Pathian le Tuufa cu an si. 23 Khualipi ceutertu ah nika le thlapa a herh lo, zeitintiah Pathian sunparnak cu a ceu a si i a meiinn cu Tuufa kha a si. 24 Jentail mi hna cu khualipi ceu ah cun an tlongleng lai i vawlei siangpahrang hna nih an sunparnak an rak put lai. 25 A kutka hna cu chun ah khar an si lai lo, cuka ah cun zan a um lai lo. 26 Jentail mi hna nih thangòhatnak le sunparnak an rak luhpi lai. 27 Thil thurhnawm zeihmanh a lut kho lai lo, thil fihnung a tuahmi hna le lihchim hmangmi zong an lut kho lai lo; Tuufa cauk chung i an min khumhmi lawng an lut kho lai.