18
1 Mah hnuah cun vanmi dang pakhat van in a run ka hmuh; nawlngeihnak nganpi a ngei i a lianhngannak nih vawlei pumpi a ceuh.
2 Aw fak piin,
“A tlu cang, Babilon lianngan, a tlu cang!
Khuachia umnak hmun ah a cang cang,
Thlarau thurhnawm paoh an kual i
Huattlai le a thurhnawmmi va an um;
3 Zeitintiah ram vialte cu a hornak thurhnawm cu an ri dih,
Vawlei cung siangpahrang vialte nih an sualpi,
Vawlei chawlet chawhrawl vialte cu a nunnuamh ngeihchiahnak
in an rum,” a ti.
4 Cun van in aw dang ka theih òhan i,
“Ka mi hna, chuah tak u,
A sualnak ah cun nan i tel ve sual lai i
A hremnak cu nan i hrawm sual lai;
5 A sualnak cu van a tawng i
Pathian nih a sualnak cu a cinken ko.
6 Nan cungah a tuah bantukin a cungah tuah ve u law
A tuahmi vialte a let in rul u,
Din awkah a tuahmi let hnih òhawngin
A hrai ah cun thlet piak u.
7 Aa lianhnganternak le nuamhnak a tuahmi he aa tuak in
Temhnak le òahhramnak in lehrul u.
Siangpahrangnu ka si, nuhmei ka si lo,
Mithi ka ngai bal lo,
Tiah a lung chungin a ruah tawn.
8 Cucaah ni khat chungah
Rai le ngaihchiatnak le mangòam in
Hremnak a in lai;
A bia a ceihtu cu a lian bikmi Bawipa Pathian a si.
9 Cun vawlei siangpahrang a sualpimi hna le a nuamhhnaih pimi nih a khanghnak meikhu an hmuh tikah an òah an hram hnawh lai.
10 A temhinnak cu an òih caah lam hla piin an cuanh lai i
“Aizele! Aizele! khualipi lianngan,
Nang Babilon cu na rak ngan ko!
Suimilam pakhat chungte ah maw biaceih na si,”
an ti.
11 “Vawlei chawlet chawhrawlmi hna zong nih an òah lai, an ngaih lai, ahohmanh nih an chaw an caw ti hna lo.
12 Sui, ngun, lungvar man sung le tikep lungvar, puan hmangòhia, puan sendung le seneu le pu puan le thing rimhmui phun dangdang, vuiho le dar le thir le lung man òha; nakzik le musala le zihmui le mura zihmui,
13 frankinsen zihmui le zu le chiti le changvut le facang, caw le tuu, rang le rangleng, sal— cucu minung nunnak tinak a si, ahohmanh nih an caw ti hna lo.
14 Chawhrawl hna nih cun an thawh i,
“Na lung in na tummi theitlai nih an in kal tak cang.
Na rumnak le na sunparnak vialte an lo dih cang,
zeitikhmanh ah hmuh an si ti lai lo,” an ti.
15 Cu bantuk chawletmi le khuapi chung chawhrawl in a rummi hna cu an òih caah lam hla piin an dir.
16 Aizele khualipi lianngan,
Puan hmangòhia, senduk le seneu in a rak i fam i
Sui le lungvar le tikep lungvar in a rak i òamh.
17 Suimilam pakhat chung men ah na rumnak vialte a loh ko hi ta,” an ti.
Sangphawlawng vialte hna le a cungah khualtlawngmi hna, sangphawlawng rianòuantu hna le rili cung chawlet chawhrawlmi hna cu lam hlat piin an dir.
18 A kanghmi meikhu an hmuh tikah an ai i, “Hi tluk khualipi ngan a um bal lo,” an ti.
19 An lu ah leidip an i phulh i an òap an hram i an ai an kio:
‘Aizele! aizele!
Rili sangphawlawng ngeitu hna hi
Khualipi ngeihchiahnak in an rum,
Suimilam pakhat chung men ah
A lo dih ko dah ngai,” an ti.
20 Maw van hna, mithiang mi hna, lamkaltu hna le profet hna, nan tha nuam ko u, nan cung i a tuahmi ruangah Pathian nih dan a tat cang!
21 Cu hnu cun a lianngan vanmi nih changvut rialnak lung bantuk a lak i rili ah a paih.
“Hi bantuk hin a liannganmi Babilon cu ti chungah pil lakin
hlonh a si i ahohmanh nih an hmu ti lai lo,” a ti.
22 Tingtang, thanglawi le muko thawng cu
Na cungah a leng ti lai lo,
Zungthiam le an zungza cu
Na chungah zeihmanh hmuh awk an lang ti lai lo.
Facang rial thawng zong a thang ti lai lo
23 Meiinn ceu zong hmuh awk a um ti lai lo.
Va ngei ngaknu le a vatmi tlangval,
Lawmhnak thawngpang zong a leng ti lai lo.
Na chawlet na chawhrawl hna kha
Vawlei milian an rak si.
Jentail mi hna cu mawnh in na hlen dih hna.
24 A chungah profet hna le Pathian mi hna le vawlei ah an thahmi vialte hna thisen cu a rak luang.”