16
Biakinn chungin aw thang ngai nih vanmi pasarih hna cu, “Va kal u law Pathian thinhunnak kanto pasarih hna kha vawlei ah va thle u,” a ti hna kha ka theih.
A hmasa bik vanmi cu a kal i a kanto cu vawlei ah a thlet; cun sahrang hmelchunhnak a pumi le a muipu a biami minung hna cungah hmachia fak ngaimi a tlung.
Vanmi a pahnihnak nih khan a kanto cu rili ah a thlet i mi a thimi thisen bantuk ah a cang dih, rili chung i thilnung paoh cu an thi dih.
A pathumnak vanmi nih a kanto cu tiva le cerh ah a thlet i thisen ah aa cang dih. Cun, ti uktu vanmi nih hitihin a chim kha ka theih, “Maw nang A Thiangmi, a um lio le a um cangmi, hi na biaceihmi hi a hman taktak ko. Zeitintiah mi nih mithiang hna le profet hna thi an chuah, din awkah thisen na pek hna, hihi an covo hrim a si ko.” Biakòheng cung cun, “A si, Bawipa Pathian a liannganmi, na biaceihnak cu a hman ko!” tiah aw ka theih.
A palinak vanmi nih a kanto cu nika ah a thlet i ni cu minung kha mei emh in emhnak nawl a pek. Nilin nih cun minung cu ut lakin a emh hna, hremnak cungah nawl a ngeimi Pathian cu chiat an serh, asinain an nun an òhin duh lo i an thangòhat duh fawn lo.
10 A panganak vanmi nih a kanto cu sahrang bawi òhutdan ah a thlet i a pennak vialte cu a mui dih; an si a vaang an kam an i seh. 11 An hma le an temh ruangah van Pathian cu chiat an serh i an nun an òhin hlei lo.
12 A paruknak vanmi nih a kanto cu Eufratis tivapi ah a thlet i nichuahlei siangpahrang an rat khawh nakhnga ti vialte cu an kao dih. 13 Cun limkeng kaa le sahrang kaa le profet deu hna kaa in thlarau thur pathum utlak bantuk an chuah ka hmuh. 14 A Liannganmi Pathian ni lianngan ah khan ral doh awkin vaa pumh awkah vawlei cung siangpahrang sinah an kal. 15 (Zohhmanh u, mifir bantukin ka ra lai! Hriphrio tein a um i taklawng piin mi hmuh ah um in an ning a zah lo nakhnga thilpuan aa hruk òhipòhepmi hna cu mithluachuak an si!) 16 Cuticun Hebru holh in Armageddon an timi hmun ah cun an pumh hna.
17 A pasarihnak vanmi nih a kanto cu thli lakah a thlet i biakinn chung bawi òhutdan in aw thang ngai nih, “A dih cang,” a ti. 18 Cun nimtlau a lek zukmak, thawng a thang, khua a ri, li fak piin aa hnin, minung sem thawk in lihnin vialte ah a fak bikcemmi a si. 19 Khualipi lianngan cu òhen thum ah aa òhen i vawlei cung khuapi vialte a rawk dih. Babilon khua lianngan cu Pathian nih a cinken peng i a thinhunnak hrai cu a dinter. 20 Tikulh vialte an tli dih i tlang vialte zong hmuh awk an um ti lo. 21 Van in cuai sawm thum reng lo a ritmi rial ngan pipi hna cu minung cungah an tla. Rial hremnak ruangah mi nih Pathian cu chiat an serh; hremnak cu òih a nung hringhran.