15
Cun, van in khuaruahhar le a nganmi hmelchunhnak dang ka hmuh. Vanmi pasarih hna nih zawtnak hrirai a hmanung bik pasarih an run put i cu hrirai cun Pathian thinhunnak cu a dong.
Cun, mei he aa cawhmi rili thlalang bantuk ka hmuh. Sahrang hna le a muipu le a min nambar a teitu kha ka hmuh hna. Rili thlalang kamah cun an dir i Pathian tingtang an i put. Pathian miòhi Moses hla le Tuufa hla an sa:
“Maw Bawipa Pathian, a lianngan bik, na òuannak cu an lianngan i khuaruahhar an si. Na lam cu an ding i an hman.
A hmunmi Siangpahrang,
Maw Bawipa, ahodah òih loin an um hnga?
Ahodah na min thangòhat loin a um?
Nangmah lawng a thiangmi na si.
Miphun vialte nih na hmaiah ra in an in biak lai;
Zeitintiah na biakhiahnak cu langhter a si cang,”
an ti.
Cu hnuah cun ka hei zoh i van i biakinn chung hmun thiang bik cu aa hung. Hremnak pasarih he vanmi pasarih hna cu biakinn cun an ra chuak, puan hmangòhia a tleumi an i hruk i an òang ah sui òangmenh an i menh. Zungzal in a nungmi Pathian thinhunnak in a khatmi sui kanto pasarih cu thilnung pali hna lak i pakhat nih vanmi pasarih kha a pek hna. Biakinn chung cu Pathian sunparnak le huham meikhu in a khat i vanmi pasarih nih an i putmi hremnak pasarih hna a dongh hlan paoh cu ahohmanh biakinn chungah an lut kho ti lo.